淨番佢仲未換....

07/14/2009 11:45 am公開累積瀏覽 3 2

講到由五年前學潛水開始，第一批買既器材用到今日都仲未轉換既得番喱樣，seaquest 既 L'atitude BCD。

好多人都有咁既經驗，第一批買既器材冇幾耐都會覺得多數都唔合既！無論唔合心水、定唔合身裁。唔合心水可能係識左好多魔鬼之後先覺得唔合心水既、但係唔合身裁實在係因為新人試用新器材時唔知點先算合身，所以用落左先發覺問題多多。
就如喱件一條條， (我鐘意張 d 古零精怪野改個正經名既) 我用左冇耐覺得點解成日發生頂後腦事件，又或者甩樽連連、經我深入研究之後，發覺可能係得一條帶呱，裝得上個 regs 頂住後腦、裝得低佢又甩樽喎，咁我當時就覺得喱樣野應該係我第一件勒令退休既，想不到.........
突發奇想，隻 regs 係 piston 設計，天生係棟直頂天立地，由於咁會頂我尾怎實在唔出奇喎，跟住我又發現原來件野對我梨講實在係大左 d、個肚腩位都箍唔實，所以成日幫住隻 regs 手頂我............... 喱個公仔就即係我個小宇宙發生作用哪！
經過資料守集之後，我決定裝一條帶響背後下邊引上梨前面連接條腰箍，即係一條 T - back 囉！  借用衫仔張相睇得清楚 d。 

經此一改，以前既所有問題都解決了！件一條條安安穩穩咁坐定之後，就唔洗再賴啦！
後記，其實司闊最近都仲有少少 hunt，事源見倒超洒有兩件背飛好似幾吸引，去問完價錢要二千幾又變左唔吸引嚕。
又繼續一條條........

被蛀=司闊有少少 hunt=屎忽有少少痕。超洒= tusa。