易奶冇良心......

11/24/2008 10:26 am公開累積瀏覽 0 8

其實我到衣加都仲唔係幾相信我會有咁既熱誠響琴日 d 咁既好天氣去潛水！

不過諗到同咁多大師一齊潛既機會唔多，而且人小小咁就立即報名，原來仲以為喱個禮拜轉冷要帶綿披落水，點知琴日又鬼咁好天氣，唔凍甲有太陽，不過又因為風向關係去唔倒果洲轉戰火石。
自從取左個易奶之後，我都係同大部份男人一樣，帶咄街既就梗係帶個新人啦！ 仲以為可以引起全場驗癬目光，點知琴日真係大師班出巡，舊大師 66，李生中仔，大石，亞當。新大師 cy，亞西，仲有手神！當我張我易奶放響果個場度，真係好似我咁，成日比人話高，去左 NBA 現場，連個球證都高我成個頭！立即聽倒好多放毒聲音，換咩啦，買咩喇，仲有買多左個咩，平 d 賣比你之類............
唔理咁多，幾大癡住兩個大司李公子同小宗師做畢地先，諗住睇佢兩個用堅狼掌同力狂權響下面比拼而我就用易奶記錄低以作報導！第一個跳左落水，鎖好個燈臂響小小湧既情形下等兩位大師，等左一陣隻手撞倒架燈臂覺得冇左易奶個膊頭攬既，囉上梨一望， 逃逸無綜......連忙連絡小宗師話我去追綜、你等公子，lift off 落到去個底仲大湧，廊喱廊去廊左幾分鐘冇搵倒立即上水，點知原來已經飄離十幾公尺，咁就比佢走甩左！咁我就叫兩位大師自已落去比武，我唔送，同紀錄過程了！番埋船度見倒兩隻熊貓都仲未落水，就放低左支燈，要求兩隻熊貓同我落去轉一圈作最後老力，點知一落到去都冇一分鐘又失散了，咁我就又試搞蘇撈大夫啦.....諗住賤人是，聽天命。不過就越潛越慶，廿衫度水乜得咁熱架？就咁，轉左十幾分鐘上到水見倒，嘩！仲遠，差左成三十公尺，於是放氣上水發爛窄。一味對住條燈臂鬧，不過其實我知可能條燈臂係大婆果便架， 
真吹漲，寫到喱度 save 低做草稿，再囉番出梨寫完出舖屎，但唔知點解冇左下便果段。真係比佢糪暈！
求先寫完既唔記得哂，草草了事！
見識倒李公子單手側拍臉毛仲用單閃燈趕魚入目標
最後多謝各大師同各毛巾！

被蛀：衣加=而家。綿披=綿貽。帶咄街=帶出街。驗癬目光=艷羨目光。力狂權=nikon 拳。最後老力=最後努力。蘇撈大夫= solo dive。賤人是=盡人事。放氣=放棄。臉毛= nemo。