試耳筒之二.......

12/06/2008 09:34 am公開累積瀏覽 5 7

琴晚本來係諗住襯電老節買番個平 mon 的，不過去到深水保多人到仲以為年沙呀晚過羅湖咁.......走番旺角又行左去一間耳筒舖..........
今次有備而來，知到果 d 柒百幾既咩水準之後唔會再比佢嚇親，慢慢由 d 百幾，義百幾，試百幾咁試上去。

後記：

百零義百既係普通水準，三百幾既比較有特式分別，如整体更平衡既亞洲貨，響度要講下所謂歐洲貨同亞洲貨之比，愚見係亞洲貨比較味精重，卑時同高音都令你妖娘三日，歐洲貨就文靜 d ，不過應該大部份人都唔會鐘意佢咁既特性。好似蒸左碗豆皮水蛋咁，雖然好味不過難看...
至於再貴 d 既就只淨番 d 歐洲貨或者用足料既亞洲貨了，響喱個級數裡面，歐洲貨更為全頻均稱，有球有躉。而亞洲貨亦會收埋哂 d 味精，用足雞湯火力！

一句話：我以前聽既原來係一個台灣人唱張惠妹卡拉柯畸，琴晚去左張惠妹演唱會之後先知到原裝既係一開聲就會令我眼飯累江既.....我唔想再試果 d 千幾或幾千既！試完買唔起咁點算呀？以後都要聽番卡拉柯畸咋.......

最後，UE 算係幾好既一個選擇，shure 可能就要再貴少少至得囉因為輸左小小卑時.(喱兩個都係柒百幾既級數)
響度加多句原來我都有所不知，除左歐洲貨同亞洲貨之外我忽略左既美國貨、霸住左個好重要既角色架！

又再講，所謂電老節我都唔知平左幾多，反正我前幾日見倒果個價到琴日都係相同，洗鬼專登同人碧去買咩！定係有黑超女郎送？

被蛀：襯電老節=趁電腦節。年沙呀晚=年三十晚。妖娘三日=繞樑三日。有球有躉=上下左右前後都很平均。眼飯累江=眼泛淚光。

試耳筒.....

12/05/2008 01:08 pm公開累積瀏覽 32 6

試耳筒.......
係咪好毛寮呢！？連試耳筒都有感，話說最近發現好似多左好多賣耳筒舖頭，心司司走去試番個夠。
以前唔多會有喱種念頭事關差唔多全部耳筒都冇得試，要買就買唔買擺拜。
新勒勒一個耳筒點可能比你失入個窿裡面咁唔衛生呢？就係咁，唔敢買 D 太平又唔敢買貴野 ，買太平既知到一定唔方正得去邊，買貴果 d 又驚正唔得去邊喎....
因為一筒還有一筒貴！價錢由幾呀蚊到幾千蚊，諗住買二三百應該唔錯呱，但諗下果 d 六七百會唔會好好多呢？再講千幾同幾千果 d 又會唔會比自已既耳油浸濕呢？終於都係同現實低頭，買名牌！桑里應該冇錯喇，係，響佢既出品裡面，
二三百蚊既都有咁上下水準，直到琴日未試之前都係咁諗......
十二月四日晚上七時，進入灣仔電老成一間耳筒舖，首先行個注木禮望左個圈...
我話：可唔可以試下架？
佢話：敢耷啦！除扁。(咁佢就走左去...)
呀，試下 d 入本仔野百零義伯既 jvc 啦，唔，卑時唔錯！都值過我喱件桑里原裝野既！
啊，喱件又係三百幾既 victor，扯，都係咁上下遮，得個卑時逢...逢....逢..
唔，喱邊有勾周野喎，akg 五舊水最平牙？嘩.....椅，個質貢雁....
喲 ；d 高音好好多喎！不過冇乜卑時.....
哦，喱個牌子叫腰衣牙？嘩柒舊幾最平？唉乜個做形貢畸既？兩條骨雁掘掘龔，個質又唔多司服.....
嘩！乜架鋼琴咁靚聲架？......好驚呀！快快放低！立即走人，驚再試果 d 千幾蚊既走唔倒！
結語！行家一咄手，便知有沒有！唔係想買既人仕，請唔好亂試！
唔想負責任既人仕請唔好亂剌！

被蛀：毛寮=無聊。心司司=心思思。新勒勒=新簇簇。失入=塞入。桑里=sony。注木禮=注目禮。敢耷=梗得。除扁=隨便。勾周=歐洲。個質貢雁=個耳塞咁硬既。卑時= bass。腰衣牙=UE, ultimate ears。雁掘掘龔=硬倔倔咁。司服=舒服。咄手=出手。亂剌=響喱度想表達既意思係一個男性唔想負責任請看清要剌的地方再進行！。

成功之道.......

12/04/2008 10:32 am公開累積瀏覽 2 4

成功之道？

一向都有好多人出自傳，當然，多數都係名人，我出自傳連我自已都唔睇啦，咁無聊！
但近年可能太多人發達(=成功？)左而又出哂書咁，搞到人人諗住係咪學足果 d 成功人仕一樣生活就可以成功呢？就係咁，乜乜腰貼，飛時卜，乜網物網主席發哂大達出哂書，連中左三 T，六合彩幸運兒都出書話自已點努力響工作其間上網搵靈感買倒中獎既號碼(我有幸的話都會講到工作其間上香港大花網的！)，講電話傳短訊之類心得。過一過作家引又可以賺番一筆！

講喱段肺話既來源係聽倒電台介紹一本村上春樹既書，話說喱本書裡面得知村上省點樣訓，點樣起身，食咩早餐，跑步跑到辛苦就停低食煙之類..........

我唔知佢地用錯方法介紹本書定係真係有好多人想知村上省柯幾多分鐘屎！(當然係佢地賣廣告方法差啦！)咁樣介紹都引得起人對佢有興趣從而買梨睇的話，
我諗我要改變下我自已對自已既睇法，可能我出自傳未必夠佢無聊都唔頂呢？或者都有讀者架？定係因為有夠無聊至會成功？......

響度講多一句，每個人都唔同，就好似我話講攝影，好多野講天份，你唔係大師就算你改名加三個 6 字都不是大師！
你唔係標譏或司乎執，就算你點熟讀佢地既自傳都唔會令你成為 IT 人，更何況書襪家！？渣車係要學架！唔係睇頭文字D就得架！

被蛀：腰貼= youtube。飛時卜= facebook。肺話=廢話。村上省=村上先生既日本稱謂。標譏或司乎執= bill gates or steve jobs。書襪家= michael schumacher。

活生生的丁蟹.....

12/03/2008 12:37 pm公開累積瀏覽 0 8

今日不如懷下舊，講下一位人物：丁蟹！
有夠年資睇過大時代劇集既都知佢係邊個，一個以個人信念為真理既生存之道。點解要講佢呢？事源前個星期睇左套西片：咩光碟離奇失竊案
，內容講一件本來可能係好小事既資料 cd 被一個小人物發現，進而諗住敲詐一筆小錢，點知撞著果個女裝丁蟹，為搵錢整容無所不用其極，引發起一場不大不小運脹。套戲我覺得幾好睇因為全部係演技大比拼，連畢撇都好戲得非常。

講番丁蟹，喱個女裝丁蟹其實係多數美國人既表徵，佢地話喱 d 叫自信喎，亦有人叫大美國主意，以自已想法為真理，其它乜野都唔岩！

本質上你唔可以話佢錯喎，而且好有可能係好既行為添，所謂做人既動力之一！做人冇信心，冇理想，冇決斷真係會比較失敗(呱)。
但反過來，點至為之有信心？有理想或適當既決斷呢？又有邊個可以做評判？邊個執行監察呢？.......
我，冇能力話事！亦唔會想去評決人地既所謂自信及真理，因為我尊重別人(呱)。
我覺得一個人生活響一個大社會上，可以用一架車行駛於高速公路上梨比遇，你既一舉一動係會引起可大可少既反響架！你行規導舉就唔會(或比較少)咄事。所以免得過都唔好娛人娛已啦！
如果第日你唔渣車，行響街道上都最好有相同既蓋念：一部行駛於高速公路上既小客車，唔好太快，又唔好太慢喎，轉線時要令轉頭睇下有冇大隻佬響格尼撞到你四輪轉向呀！

被蛀：運脹=混賬。畢撇= brad pitt。比遇=比喻。

食大圍.......

11/29/2008 12:35 pm公開累積瀏覽 0 6

琴晚同大花晚宴對我喱講真係一年都唔逢一潤(除左周年版罪)，可能自已古叔，又習慣左一個人行動，廿幾人一齊食飯真係未試過。總的來說幾過引！以下幾則感言：

保仔飯真係幾好食，尤其是飯焦！不過我懷疑果度既飯量未必夠一碗白飯咁多。唔怪之明 sir 話食極都唔飽！

好多潛水員響船上見倒既形像同平時響街見倒係完全兩回事，官仔骨骨既，變成粗口爛蝕，仲好似未食暈浪丸咁 hi 得好可愛！有 d 飲左酒又周維欖人，不過係同性居多.....

不過有巢氏都還氏有巢！令我平時好少用既右耳失眠.........但佢失眠就好乞人真喎，響庶扮蚊.............vvvvvvvv..vvvvvvv

冇理由一面食緊野都仲可以發功劈嚦大喇叭......
太多好食既舖頭都冇乜機會試因為一條友好似阻住佢地一張檯咁......

被蛀：古叔=古肅。粗口爛蝕=粗口爛舌。欖人=攬人。

講攝影......

11/28/2008 01:28 pm公開累積瀏覽 0 4

今日想講攝影，因為喱兩日都響度睇番大師 d 文章。其實同好多技術一樣，基本上係要有眼光，我用先天梨形容。正如一個藝術家，佢隻眼睇完加埋自已既表達方法；就係一件藝術品！成日有人問用幾多光圈幾多快門影喱張相之類人仕我覺得好難有所得益。
正如大師話，張平凡變做不平凡，it must be DA hand! 唔係個個得架。

我愛攝影係本住拍低我覺得靚既野，同大師岩岩相反，就係咁張美景租撻，張靚景影成一張紀錄相而已！

咁係唔係就等於消極？

哦，橫掂都變唔倒大師咯，是旦囉。
又唔一定既，望倒人地 d 相靚咪：嘩！
自已影倒滿意既都整番做窩披爬亦一樂也遮！

有自已糪真係好，可以唔知罨乜！

被蛀：it must be DA hand=響喱度表示係因為個攝影師既眼光。租撻=蹧蹋。窩披爬=wallpaper。

害人挺文.....

11/27/2008 12:07 pm公開累積瀏覽 0 0

喱一滴比較有今日睇真 d 既方向，係想講警處內報案人被強監事件！

我今早見倒喱段標題出現響也烏，以為又係生果日報既舖屎，深諗，冇有搞錯！？警處裡面喎，唔係山口早裡面喎，係咪寫坐左呀？但係經深入睇完再加上電台報導之後原來唔可以用冇有搞錯梨形容，要用耐人尋味梨開講。

就當係一件真實事件梨講，先不論係咪強監先，一件男女性生活發生響警處裡面已經係幾值得深究的。雖然我覺得自已都算夠開通可以接受除左藥代之外既各種款式性生活，但總覺得兩人之事應該係盡量收埋 d 好，忍得住的話都番去自已地方或喱得埋既區域，唔好以為自已有能力拍四仔就好似表演咁不區時間空間！不過我喱一滴笨唔係想深入研究姿勢如何同點解，只係有感而發現代人對後果喱樣野點睇？

身為一個人，唔講係咪警察添呀，夠景有冇諗過佢要對自已既所作所為負責既呢？或者我係咪應該懷疑下現代人仲有冇能力自我控制得到呢？
仲記得細個甚至到而家都仲有一種叫做驚警察既心態，無論自已有冇做錯事例如響班馬線格尼行呀，或者支水樽放唔入垃圾筒跌番出梨我唔再執番再灌籃！好有一種箭箭經經既感覺，會否被第步呢？
係我顧意頂流當大家玩緊 drift dive，定係大家習慣哂用盡個人自由梨生活呢？

夠竟我地潛緊咩大夫架？
又諗到周星爺既功夫一開場：黑幫老大響警處裡面問：姐，蟹柚化呂媽？蟹柚彎化嗎？(這，還有法律嗎？還有王法嗎？)

被蛀：害人挺文=駭人聽聞。強監=強姦。也烏=yahoo。深諗=心諗。警處=警署。山口早=山口組。寫坐左=寫錯左。藥代=虐待。不區=不拘。夠景=究竟。格尼=隔尼。箭箭經經=戰戰競競。第步=逮捕。

聽遮屎既基本功....

11/25/2008 04:08 pm公開累積瀏覽 0 2

今日喱滴想講下聽遮屎，前兩日講過去聽 Hong Kong Jazz Festival. 帶左架相機睇下有冇人阻止我拍攝，基本上係冇既，當然我坐響山頂，黑墨墨區，又唔係大支野到好似影賽車女神噤，係冇人理既。不過其實我覺得去演唱會影野係唔得既！起碼對我梨講，會破壞氣紛既。你去得睇佢唱野既當然就係你鐘愛果 d 音樂啦，一邊影野一邊聽就好唔投入了，但如果果個歌手唔係你鐘意既又請我都唔入去喎，其實我有諗過想去睇割褲繩架，因為佢跳無真係香港頂級水準，但.....要我聽佢響庶攝攝攝......(我成日話佢唱歌唔夠聲壓到把聲蚊之咁，吐字就當然聽唔清啦，尤其是國語歌，我淨係聽倒攝攝攝.....) 我會好惡頂囉，所以..........唔講果 d 香港歌手哪.
聽遮屎對我梨講唔算咩特別，因為基本上咩音樂我都聽，除左近年既香港音樂同鄉村音樂！ 但自從比加拿大一個朋友引導之下，慢慢覺得聽遮屎要 fik 頭既！
不知不覺間一聽倒好聽既就自動 fik 頭，好似果晚兩隊既鼓手都非常正，一隊遮屎樂隊最緊要係果兩個 bass 同鼓，喱兩個人玩得好就成隊都生哂，果條鼓佬睇樣成五十幾，全程爽到無倫！我個頭根本都停唔到落梨對焦。而且 d 燈光又冇，或好少變化，所以真係紀錄之影像。

第二隊果個後生 d 四十唔夠，套鼓 set up 得好怪，全部都響手肘之下咁滯，只見佢兩隻手雜亂無章咁料梨料去，但左手響正雖要既時間：耷一聲準確無倫咁響起。真係難為佢。

總的來說，聽遮屎唔 fik 頭係感受唔倒果個韻律既！我話！
當然，慢遮屎梗唔一樣啦，要開紅酒架！

被蛀：遮屎= jazz。割褲繩=郭富城。跳無=跳舞。蚊之=蚊滋。

你個濕頭......

11/24/2008 01:18 pm公開累積瀏覽 0 6

其實喱樣野波打左我好耐，唔搭巴士者唔會睇會，唔知係我坐既姿勢差定係背隻敏捷，成日覺得比人用濕頭頂下頂下咁。我知如果一個身高有五尺九或十既人仕要坐響果個咁窄既範圍係比較要坐得直先可以唔頂住前面張凳既，咁就最好好似我咁，搵最前左排果個或者樓梯前果個，再或者最後中間果個係最佳選擇！

當然有咁多選擇的話就最好啦，但如果只有冇得選擇既時候就只好坐得辛苦 d，但我都勸大家最好唔張濕頭頂住前面張凳梨坐因為係為你好架咋！事源咁樣坐你個濕頭軟骨會被傷害於無影無形，到四五十碎就行唔安，坐唔落！唔係我估架，係果 d 醫生講架。 不過話番轉頭，我所知頂我背隻既多數都係扮五尺拾既遮.....係佢地鐘意咁既坐姿，我叫 sir 姿！

另外有 d 就坐哂自已個位都唔止，仲要坐埋你果個三份一。你大份，我唔怪你，但好明顯你係坐得搖風擺柳，咁好明顯你條腰骨好快又會偏心。到時唔好話咩工業傷害之類借口！

順帶一提，好多女仕著果 d 鞋，可能係比佢地既行路姿勢影響到偏藍或偏綠，總之最好留意下自已既行路姿勢，咪等第日腰痛賴鞋差.......

被蛀：濕頭=膝頭。波打= bother。背隻=背脊。四五十碎=四五十歲。