一早講廢話

04/30/2010 09:36 am公開累積瀏覽 0 4

好少有咁早就睇唔過眼世事既，因為岩岩食完早餐等柯殊、又未開始忙、不過喱樣睇唔過眼係琴日睇既，事件關於喱個白膠燈；係呀，係果個白膠燈呀，因為火星番譯用左唔同音韻既中文咋....

話說；拿我自已唔睇新聞既，多數係偶然聽倒一句半句就想當然咁既，所以詳細情形唔好問我，又唔好話我知條春咩、因為我真係唔知........

話說唔知咩情形下佢口罨罨既一段心底話，比 d 智者(係記者既國語發音，佢地當然唔係咩智者！)錄低左果段佢同一位女性議員對話之後，企埋一角自言自語、意思係話果位女仕係一位食鼓不化之類(鼓用皮同木做，當然不化啦！)爛激...

一句私人心底既自言自語，每個人每一分每一秒都塞住響個腦門度！有 d 人會自言自語自已問問題自已答、有 d 人只問不答........各適其適。

我既愚見係一句咁私人既感想，比 d 咁既智者知到居然搞到國際事件一樣，雖然話果個係英葛既手上，但係手上都係人，都會有個人感想既呱！？佢又唔係當眾大大聲指住果個女仕講，就算係，台灣議會大把喱 d 人、香港議會全部都係喱類人啦、點解係佢要比人擺上台？仲要道歉添！我個人諗唔明現代既所謂正確與錯誤理念，唔係應該每個人都會有心底話既咩？只要唔係公開指出侮辱性或傷害性既言論，點解要道歉？唔通你連心底話都係自已呃自已既？就算係、都係你自已受諞遮、道乜春野歉呀？

諗諗下，我覺得我自已茂利遮，基本上喱件事都係一條娛樂新聞梨！

唔好耳市呃左自已添、要對自已道個歉先！