森巴兵之所以係我既愛，踢法雖然同幾拾年前已經不再相同，現代既森巴兵已經進化到唔止會跳舞，唱歌樂器都讓樣皆能了！
龍門向來係南美隊既可有可無設備，不過近年已經同世界級拉近左好多、唔再係由多出梨既中堅充數.....好似我地細個因為球員太多你唔踢龍門就冇得踢、就咁我由鐘楚為變成朱飛.....
後衛響南美隊梨講其實都可以係前鋒、你見 juan 都可以學司單頭硾入波、而會同自已龍門鬥爭波失球既！maicon 係我今屆最喜愛既一位....算係後衛其實咪又係會入波。盧司奧已經成熟了不過下屆唔知仲有冇佢份？另外果個我冇哂印象。
中場 alves 得個勇字、射術仲差過平均既中場，我唔鐘意。司華有點老退、不過都可算壓得住場、卡卡比較令我難以下筆，我少睇佢踢常規賽，總係覺得佢單簿、難成大事。
至於法比安佬似足李話到咁既踢法當然、仲餐一兩皮，射術同獨自搵食既能力如果可以再提昇咁或者下屆有出頭日都唔定。裸奔佬得個快字，只能算係有水準既一個翼鋒、響巴西陣中我會覺得艾爛路好過佢，當然、唔知點解艾爛路可能捱爛左條路、踢得果一兩場就收埋左，又係冇數據可言！另外幾個新人冇乜邊個突出、最多出場機會既果個叫梨米但係一 d 都唔突出、咁睇梨下屆都係無乜望住嚕。
其實上屆都仲有幾個突出少少既今屆唔見左，如 p 祖連奴，有遠射腳頭同身位、乜唔得鄧家歡心咩？定又走了下坡？原來已經退休了哪....
總之，今屆我覺得佢地後防穩左不過中場又弱左、前鋒散左但助攻唔錯。
無論點都好、睇巴西波大部份時間都唔會見倒踢心口鏡頭，係森巴既要求、又唔係跳辟歷舞、隻腳踢唔到咁高遮...............
響度又加影短片、關於點解非洲波近幾屆都好似會有能力但係又餐咁 d 呢？今屆幾隊得科特迪話平均、可惜編入屎忙之組、不過話時話睇佢地踢波真係會嘔血架有時，佢地有兩樣壞處、一、仲未知有對手隻腳響佢同個波之間，腳腳都連波帶腳咁踢、點可能踢得完成場波唔比趕走丫？二，兩翼出波入中路永冇尺寸，好似大腳勾消咁、邊個同你接應遮？
沒有留言:
張貼留言