話左香港台灣大不同架喇！

04/08/2010 01:14 pm公開累積瀏覽 00

我唔多鐘意講政治，因為講都冇用，做唔倒咩野、

好多人話如果個個好似我咁就更慘！拔事實上就算個個好似你咁進取、都唔係一定可以搞倒個好既國家出梨、我自已覺得要搞一個好既國家首先就係有國家觀念而唔係只知自由民主！豉油炆煮....

前一排講過人地台灣得點解香港唔得，我話過台灣人有國家觀念、地區觀念而香港乜觀念都冇只有自身觀念同反大陸觀念。
就講今日最流行既選舉，未有普選之前先梨區選，補選..........

一日到黑都選，乜解夠咁穩多選架？原來係班所謂有釋之士

，選左出梨做唔倒野就玩走法律那、規舉那，選舉那！三日五時講野冇人理就話辭職，跟住走去第個區選過........

分明係走選舉漏洞，明知幾個位空缺就要補選，喱頭辭職果頭再去補選，咁辭乜穩野職遮？哂 dove 哂我地立既稅錢！

我立得稅少不過都睇唔順眼果 d 玩政治既香港人，鵰記老 may 月入幾呀萬，喱樣樽貼果樣花紅兩句唔埋話辭職，跟手又去第個區補選，可能諗住香港人鐘意佢地講既所謂爭民主，同內地對抗所以大安旨議諗住實選倒、一班 folk guy！咁忍有骨氣上山歸隱呀笨！

老實講哂錢係其次、此風可掌嗎？我地香港政府平時哂錢唔算少，再加埋班咁既下價橙響庶搞喱搞老，我真係不吐不快！吐完快唔快就唔知，起碼寫糪喱一剎那就唔慢！

練武不練功......

04/01/2010 11:14 am公開累積瀏覽 50

有此一說；練武不練功，到老一場空。喱句話如無意外應該係岳不群講既、華山氣宗主持人既不二格言。但同我今日要講既又好似冇關喎！

聽音樂喱回事，每個人都有不同感受、想法同試耗，正所謂講人自講、咁我跟住所講既一段，你地就唔好咁深入地研究，睇完笑下，挑下就算勒、就我本人都唔想由於以下既一段廢話令到有人勾哂頭，甩頭髮或者甩頭皮.................

愚見係，聽音樂會令我心情改變，聽 Modern Talking 會行一步跳一步，聽 Akon 隻手會係咁指 Smack That Yo.Yo.Yo..... 聽阿妹會跟住口形罨、聽 Jean Michel Jarra 會越行越慢望住個天冥想、聽搖滾就會一邊行一邊搖同滾.........
不過聽古典樂就會比較麻煩，好多時我唔敢響街聽交響樂因為 d 步伐好難配合、時快時慢，仲有時停左.........所以喱挺音樂只適合響屋企聽，再講，我自已覺得，好多協奏曲，或者獨奏曲，無論小提琴，綱琴或者周維琴，演奏者一投入既時候令我幻想到好似練緊內功咁；呼吸快慢都比佢控制住......
大家可能會諗；有冇噤嚴重呀？
拿，咪就係我開頭講過，每個人都唔同感受既！正如好多朋友聽歌都要知到歌詞先會投入一樣囉。

講到內功，如果看官有聽過中國樂器演奏的話；尤其是有聽過古琴曲既演奏；你就知到我講既大慨勒！試下也嗚拎唔拎倒腰貼先..........噢...也可以喔

有冇覺得條氣通哂？

咪亂梨呀老野.......

03/30/2010 10:33 am公開累積瀏覽 00

今朝.............有件咁既事，有兩隻賽馬、由騎師策騎住響西鐵尖東站出發、直鬥到 IFC、我全程直擊，家陣用 5 號同 7 號代表，而我同 5 號既騎師做代言人..................

一如以住早上搭西鐵番工，今朝唔知點解遲左成十分鐘先上倒西鐵去到尖東準備出閘，突然出現隻 7 號仔攝上面前，一邊拉住個拖急，一邊囉快麵甲住個手電響庶招招招講偈，我失住耳仔聽緊動力火車，唔知佢招咩。上到去上面月台因為遲左十分鐘所以我放開腳步行快小小咁，點不知隻 7 號拉住個急響我前面三個馬位總係比我追唔上，蝦我諗住無理由架、邊有咁高速既選手架？不過咁，我又冇諗住同佢鬥，正常行到 1881 出馬路應該放甩佢勒、無錯係去到一半佢停左一下收埋個電話比我過左，不過好快我就覺得佢都係行緊去碼頭因為我眼尾見倒個影同埋拖急聲、咁我下意識冇減速咁向天星進發、原來佢真係同我同路過中環、咁坐船就唔講啦，唔通響船上面都仲行梨行去鬥快咩？

過海出閘我又加快速度，無論佢行邊邊我都要行快 d 因為買埋早餐都差唔多時間！點不知原來佢都行天橋去 IFC，好哪、我要開動高轉數引擎張佢放離，並唔係佢有嗅味或者醜惡，之不過係有 d 怕左拖急聲同鞋確確聲，跟左我太耐哪。所以響天橋果度，我好好咁踩到一萬一千轉(唔敢踩到一萬三千轉，驚番唔倒公司要入院)
經過 IFC 之後覺得應該已經張佢撇甩.................
不過原來佢都追到中環街市出口先轉左灣！等我行到去買早餐背隻出哂汗。

講到喱度唔洗我再解釋啦；5 號仔咪就係我、身高米八幾，腳長幾呀寸，幾呀碎仲響庶同人玩埋 d 無聊爭鬥。不過講真我覺得如果唔係 7 號仔拖住急的話(個急係唔重、應該冇乜野響裡面)，真係贏佢唔倒、雖然話我今朝都負重磅，因為帶左副兩畸幾既碌卜出梨整。
不過我對 7 號仔都要配服小小架，事關佢係一位大慨八十後，高約五尺六，七既女仕梨。失敬失敬！

行到氣囉氣喘為左怕拖急窿窿同鞋確確？等陣整親隻腳趾就煩勒。

未來充滿沙塵曝......

03/25/2010 11:23 am公開累積瀏覽 00

一向都唔理果 d 咩耳完罨過乜野、因為永遠都唔讚成佢地講既所有野。會有人問點解咁極端呀？反對政府既大部份都係為民請命個喎！

我讚成喱句反對政府，為民請命喱句說話既意義，只不過唔讚成囉喱句話梨做大前題既議員遮。講得唔好聽我覺得佢地有狗十幾個巴仙都係得個講字！為爭取而爭取，真正諗過長遠為民而爭取既.......................................我滴汗！

站響香港生活我諗我係孤立既！因為我唔讚成而家香港所進行既大部份行政同反行政，當然，我講係咁講遮，梗知到反對唔倒架啦！香港所講既自由係個人自由，完全唔係社會既自由。每人只著眼於自已果個四周維幾米地，出盡力咁抵抗被人入侵自已既空間，唔會諗下尊重別人都驚比人入侵，哈哈哈............我係應該比人孤立既！

以咁既社會氣質，市民氣質，點樣選議員呀？點樣選首長呢？點樣施政？點樣做外交？仲話離棄中國？我驚第日內地真係一刪左個港口香港破產添呀！ 講笑遮、香港冇萬富翁得幾十萬，點可能破產呀！！！

講番正題係關於果 d 所謂議員！條我好很憎人唔專業架，收人人工做左咁多年居然話講錯西梳喱喎！我都多數...係多數會寫完一段野先做個預覽，然之後先出舖屎啦，好多時自已覺得可能讓人互會既都地烈佢唔出，驚引起人地唔舒服，你身為一個為民請命既月入幾呀萬，又可以番番下工拉隊離場去心振按魔既議員居然話：哦；唔考耳市我講錯，梳喱囉喎！我真係同你講不出再見。

香港真係有公投既時候，大家可以幻想下出梨選議員，首長果堆係咩沙塵曝？你冥想一下、量葛雄，王郁聞、張豬狗不如、白姐遮、仲有邊幾個亂講野又鐘意認錯架？再加上第時有公投時，會有 d 陳試雲，謝老四，獎門人，吹細安，河口話，渣 fit 人之類.........我越講越心驚，因為我家下都仲未知共橙社會恐佈定乞社會恐佈.......

唔好耳市今日火星人梨潑漒水、希望唔會影響倒地星既香港人半分幾秒既情緒啦。

想同佢改個名做：張宇豬狗不如，可惜有可能有人會以為我鬧張宇加馬....

真理何在？在心中

03/17/2010 01:30 pm公開累積瀏覽 04

每個人類都識講喱個詞；真理。無論咩語言，都應該有咁上下既形容詞，如果唔係就好多野都講唔通勒。因為一講到真理，你姓陳同姓李，姓朱或者姓楊，每個姓....呀唔岩，始終都係應該分清楚 d，因為每個姓朱或者姓楊既、都有佢地自已所諗既真理！響庶我身為一個姓伍既就唔去衡量佢地既真理勒。

之所以寫段咁野，無非都係講廢話，事緣好多時都有 d 姨貓傳梨傳去話邊度有 d 非人生活，何處有 d 無法無天事件之類，就講日本人時常殺鯨取利，大條道理話研究，研佢媽的幾十年都研唔究、

響處亦都唔再分辯誰是誰非，因為基本上何來"是"既道理？如果係調轉由鯨魚殺人謀利既世界為正統的話，人類又何發言權之有。

另外受人口伐既仲有最近傳得天愁地慘既丹麥殺豚事件，同唔太多人知既加拿大人殺海狗海豹之類，響我地外國人身份去睇真係苦過梁天來，慘過....慘過.....慘過呀邊個啦！

響度我以一個唱反調既火星人，試下企響空中望一下個原因何在、好似話屁如丹麥梨講果個地區既鯨魚數量多得驚人，令至佢地國家民不寮生，政不通行咁上下講法，唯有殺之以控制生態，滅之以減輕困難，拿，先講明我唔讚成咁做架、不過我唔係當地既決策者，冇人迫我解決喱類問題，所以我先可以大聲姪夫話慘無淫道、天理不容。

佢地講既真理我唔生活響果度係完全唔會理解，生命始終都係生命，冇咩理由可以話因為咩唔鐘意咩唔覺意咁就殺到佢地血流成河！不過鬼叫我地係人類，識得咁多直口、真理，講到連自已都以為；係呀，唔殺佢地就我地滅亡，唔食佢地我地就唔得安康。

我雖然係火星人，不過都係人、再大聲都大聲唔過佢地用咪講野既( d 政府發言人多數有大堆咪高風隊住佢地發言既)、再講我都冇資甲話佢地殘隱架，因為我都會不時見一隻殺一隻！

蚊、甲宅，烏鷹之類，周不時唔覺意殺一堆蟻、細菌之類。問我會唔會覺得唔好耳市的話，我真係唔敢答會架。仲可能會懶義正嚴詞咁話當然要殺因為佢地危害人類健康！

還記得禽流感初現，數以百萬既家禽被港人所殺，沙屎現形，更是連野味都絕蹟、再於近期出現既豬流，好彩既係及時証實唔關豬是，如果唔係又一動物大屠殺事例！照咁講法，我地係咪都應該去研究一下丹物人或者加難大人殺個天愁地慘係咪有咁既必要呢？

講左咁多，外地人會唔會覺得香港人慘無人道，中國人天理不容呢？鯊魚割肢棄体，為左口腹之欲，雖然話割肢棄屍既係漁民、我地只管買梨食！不過你有你講，佢有佢食。連籍口都唔雖要！
講得唔好聽，點解要四零零幾年先世界末日呀？早就要末喇！

你可以話因為某 d 物種既生存、會影響到人類既生存所以；

人類怕死因為識寫個死字嘛！咪殺果 d 唔怕死....連死字都唔識寫既囉。

感古赤壁於今過江之一文

03/15/2010 10:28 pm公開累積瀏覽 00

鑒都督之重托，為東吳之先鋒、上火燄船之峰隊、揭赤壁之戰幔！望江月白風清，恐蜀褚葛之狂言、雲不起霧不出，剎孫權之雄兵。然受周督之親囑，萬屎不及報半刻，豈存疑於丁點！

子時剛至，月白風清，火燄船上，油料引迅、塞滿船緣，赤壁江上，月如閃瓦，星如銀沙！風微氣靜、江平似畫。但心中忐忑，覺似羊為虎拜年，豬為狼做壽，此去終為烈士兮，被魏蜀笑，對江東父老兮，添愁雲恨繞...............

先鋒快速火燄船百首，悲風慘霧蓋，出航無聲，由黃蓋大將軍引路，直出江心上閻皇殿、然............................. 無聲浮入黑重紗、飄渺無所知何發、盡眼不過尺八，對面只現烏幔蓋星華，見自掌而不見他手瓜。驚混濁之突現，配孔明之八掛！雄狂壓蓋心之上下，直搗魏兵之舟霸！破操敵後之庭花。


點解寫段咁既嗅屁文唔似文呢？係因為頭先搭船過維港，霧鎖不特止，仲要係黑媽媽既霧，搞到水手又停又退仲要學泰山叫，哦！哦！一面叫一面飄過九龍，我坐船上雖然冇野好驚，不過突然感覺到赤壁之戰，火燄船上既兵士飄入霧重裡面既心之上下，嘩、好戲劇化！

未過岸已見烏黑鎖江心

已過對岸，未減迷離！

寅森畢觸佘吞醬

03/15/2010 12:39 pm公開累積瀏覽 00

標題係用火星文寫既，番譯左後等於人心不足蛇吞象！冇錯我係想講毛箭個腫驚里；沉至暈。

我一向都好少睇無線，初頭係因為懶係鋤強扶弱既心態、轉台睇亞自、可惜亞自除左韓劇之外就完全冇野好睇，當然睇賽馬係冇得簡因為冇有箭，到後來連韓劇我都頂唔緊後就只睇國際台。不過唔關事既唔響度多講，講到喱位沉至暈，以我既資料庫報告係突然咁紅起梨既。唔知幾時開始時常聽倒佢個名：至暈飯局、跟住見倒報紙話佢係身為毛箭既腫驚里，我果時就諗；蝦乜得一個腫驚里可以出鏡做主持仲咁高調呢？睇梨佢都可以算係隻手遮天哪、點解咁講呢？以我覺得一個高層可以自已做一個節目主持，應當係第一，你講得通制作既主管、第二你又要交待倒比上面既大頭，自已唔係想點就點、仲要唔怕人講話為所欲為添喔！
咁既情形出現左幾年即係話佢係成功既！乜得咁突然話比廉處請飲茶咁大件事呢？我自已火星腦袋胡思亂想就係應該毛箭內部冇人制得佢住，要借助政府梨挫佢既氣燄，老實講我唔信佢今次會真係會入倒罪，正所謂家下 d 人想話玩貪污邊度仲有咁易比你捉倒！不過無論如何喱位沉至暈既前途都係有所變色架勒................

標題話：寅查畢觸佘吞醬係講喱位沉生，我自已愚見係你身為一個行政級既驚里，好應該做好自已本份就係居於幕後，出得鏡多意氣風發就引起別人向你既級數打主意，抵受唔倒利益誘惑咁自不言就跌入旋窩，冇人知由自可，但響現世代邊度仲有祕密得架？藥要淫畢之，隨飛紀莫維！我唔會去定論佢係真的有受惠定比人擺上台、總之唔想比人打爆頭就咪咁八掛突出對眼想"目及野"。

不過受得利誘的又有幾人呢？我都想試下自已既抗惑能力有幾得、搵人借支五百或者六百定焦，睇下我又影唔影倒數毛相！？

地星係咪搞緊文格呀？

03/03/2010 12:51 pm公開累積瀏覽 00

灣仔的士女乘客跳車受傷

(明報)2010年3月3日 星期三 10:50

一名的士女乘客在行車期間突開車門跳車，受傷送院。警方表示，該名女子稱，因忘記帶銀包，所以中途落車取錢。

該輛的士在凌晨駛至灣仔時，的士上的21歲女乘客突打開車門跳車離去，跌下路面，手腳與背部受傷，要送院治理。的士司機報警求助。

女子的親友其後到場，其中一名男子男子情緒激動，不讓在場記者採訪，要警員勸離。警方表示，該名女子聲稱，因忘記帶銀包，所以中途落車預備回家取錢。
（即時新聞）

上面喱段新聞我響也嗚睇倒、如果話係生果日報出既我諗都唔諗當正常生果標題，我唔會去研究佢既意思。不過見倒係明報出既報導，再睇埋內容，心諗開始要改變同火星既通訊頻率(加密，以防第日要逃離地星)、在我地火星人梨講，上面果段地星文係解釋唔倒既！你可以話地星人周星馳無喱頭冇解、不過無喱頭係響戲劇表演上既冇解、而上面果段如果係真實發生響灣仔的話，就算係現實中既無喱頭！用囉柚諗都諗唔出咁既情節，故事同台詞。響度我只可以用地星文化格命梨做標題就係咁意思。

家下我諗好多火星人，水星人或者面黃星人...............各外星人都應在緊密關注地星人類既精神狀態及趨向、見唔對路拿哪聲撇.........................................

是彈一個定真係唯佢獨尊？

02/10/2010 11:30 am公開累積瀏覽 04

響平果見倒一則新聞......其實係響康趕大花見呀辰舖出梨既！
話科研大隊遠征南極，隨團既一位潛攝大司點樣點樣....................

潛冰水其實冇我地住響熱帶地方淨用心諗既人所諗咁恐佈既、果度既水只要會流動的話、大部份時間都凍唔過陸上氣溫、即係話水低過零度就結冰、當地陸上有零度佢地已經想除衫哂太陽哪！
進行冰潛對住響歐洲既人仕梨講同我地喱挺茂利潛水員響亞洲潛水所要求都差唔多，只不過器材唔同、佢地用乾衫潛、控制得宜的話一樣樂趣無窮。
有時唔係質疑點解係佢或者點解唔係呀邊個去？但係望一望佢既資力後、會令我諗下搵個多 d 經驗既去唔好咩？或者起碼唔洗佢用咁耐做準備，做一樣從未做過而又有危際既野，記住家下唔係去游水攝影呀、響南極生活已經係對健康既身体有要求、更唔講潛水。

不過，我都係亂罨既遮，事關我對喱位小姐完全唔認識，點可以話佢唔夠豬甲唶！？

於此謹希旅程一切順利與及成果豐碩！

(不過見李公子都對喱件事有所感言，應該都係用耐人尋味做標題好 d！)

FW....FW....

01/27/2010 11:45 am公開累積瀏覽 00]

互聯網時代幫倒好多人響網上學習，你想要既知識舉手就得到。我個人覺得係做褔人群！不過當然，有好處就有壞處，搵倒正確答案之餘，亦有可能被人誤導。

每天你都可能收到不多不小無聊有聊既電郵；有用既，冇用既、望一眼就已經會決定留低定地列，當中亦不小係 FW 再 FW、人傳人既唔止病菌同銀紙，喱類姨貓可算是另一項既最多。

以我自已咁多年既網上經驗； 已經有起碼四五年唔睇喱類 FW 姨貓、因為我自已覺得喱類 FW 姨貓既可信率已經同我贏馬既比率叮噹馬頭、十分接近！= 零

還記得以前收到既 FW 多數都係一篇好文章，一段動人話之類、或者宗教文章無論你信唔信都有小小發人深醒既能力，但係唔知點解有種感覺，近年收到大部份 FW 都係關於內地既壞事、我自已未收過好事，話大部份都已經十分保守！
開始時好多用英文寫既話關於內地既所有醜聞，殺人放火，偷拍呃錢等等，可信性十分之高，其實唔洗你講大家都知內地處於開發狀態之下，人性十分之容易被金錢溶解、你要幾冇人性既事都日常發生、響喱度我唔洗舉例，因為每事都可成例。
不過近年來內地開發左，我反而覺得有好多係內地自已網友發出令人不解既所謂經歷、都話左冇人會懷疑有內地人為利益喪盡天良、不過都應該係響有利益既大前題之下發生，冇自利而傷人的話，我認為只有網上人先會有 d 咁既興趣！
我可能諗錯、不過真係覺得網上有好多無聊宅族損人不利已既，響佢地既心目中，上網同抖氣一樣、淨係講好既冇樂趣，定當會搞 d 似是而非既事件出梨先至開心。
寫喱段糪係因為古蛇響大花網出既果段拐帶小童既舖屎、父母睇倒之後，其心驚膽跳既陰影可想而知！之前我都收過話去邊度飲野終於醒番冇左個腎果類...............

當然，以上既所講都係我自已想當然既行為；十分百分之希望我講既係錯既、唔真實既！不過結語我想講既係；而家我響網上面，連睇住、見倒既都唔敢信、更何況腥梨腥去既 FW...FW...

守行為一生！？

01/23/2010 09:12 am公開累積瀏覽 00

EF-400 F/5.6 影既
喱兩日既新聞比我留意倒既係喱句：守行為一生！
曹生話；基於佢同則甜之間既狗前，而引起犯法被告定罪、佢話法官只判佢守行為十二個月，並不算太嚴厲，佢自已會對自已判既刑罰係守行為一生！

聽起上梨十分之動聽，起碼我覺得發人深醒同好有誠意。不過、諗深一層、講得好聽就更難做倒，即如一個身裁十分靚既龍門，為左顧及儀態會時常柯蛋
究其原因引發咁既意外得兩種情形；一酒、二氣！年少氣盛或一朝得志再加上酒精做引訊咁就制作出一部每個晚上不時發生既喱類鬧劇、但深入一層梨講，唔須要兩樣一齊出現先出亂子既，是彈一樣就已經可以搞到天番地覆勒！

響喱度我亦都唔去研究點樣解決唔好意氣用事或者發酒瘟作亂既問題，只想講下喱句守行為一生！

小人愚見喱句守行為一生同愛你一世、以後唔敢之類用詞都一樣；都係用詞梨既遮，正所謂江山易改，本性難移、一個人既本性由細到大經年月慮積番梨，唔好用既，用唔倒既早已棄之不顧，剩低既好、唔好既習慣根本同你 d 眉頭眼額一樣，改唔倒架勒，最多都係鬆左，甩左少少咁！

我亦都唔係話曹生一定做唔倒；不過我有好 reasonable doubt 囉，因為佢貼住我講果幾樣引訊梨生存，酒，氣，再加埋意氣風發................................幾難架！

試想想好似司朗咁；又靚仔又有錢有前途、每時每刻都唔同女友，假若佢同一個貌似 susan boyle 咁既普通女孩話愛佢一世，我唔知你，我會冇信心囉！

響度我送呀曹生一個 ，唔講佢唱得好帽，都希望佢能夠成長囉！

恥辱！

01/19/2010 04:06 pm公開累積瀏覽 00

唔係呀！唔係話葛酬加幸果 d 恥辱呀！我想講食牛腩咋.................
點解叫恥辱？好多時食牛腩都要有用點力去拉去齒先夠咬口既、如果果舊牛腩林到豆腐咁，就算幾香幾濃都係唔似食牛腩嘛。
一向都唔識食、亦唔講食。不過最近生活好似太夫燥哪，冇乜嘮蘇囉梨寫糪，所以寫番段食經先。
食經喎！呵呵呵，燒屎人呀..........
我地公司行落去一個街口有間漢記，食牛腩話專家。我喱幾年已經好少食紅肉、牛腩更加一月都唔有一次，之前去漢記食都係食雙丸呀、水餃暈燈、或者食一種我叫彈弓既牛筋物体。果塊大慨半寸厚咬落去似橡筋既冇肉冇羔物体照佢老板講好少人叫梨食，平時佢係搭單加一兩舊落去咩坑腩，爽腩度咁、我食佢係鐘意佢冇肉又冇羔！
今朝食早餐時個老板話今日有和牛喎；問我試唔試？
和牛唔係愛梨鐵板燒既咩？？？

斬下眼就午膳時間、諗住今日唔去魚米家、試試見識下咩叫和牛既牛腩麵先。
又話有和牛？
得番瘦架咋，你又唔話會梨！
唔，咁比一半半寸一半瘦和牛試下啦...............................

食到一半老板娘同我做訪問：
點呀？有咩評論咁呀？
唔，幾林咁囉、都幾香！
同我地平時賣既有咩差呀？
我其實對佢地既牛腩都冇乜印象，咪話好似香味同肉味都差唔多勒，不過好似林左 d 喎................................冇乜第樣特性............
話口未完老板立即話比兩件平時食既、即係中國黃牛我試、.............................

唉也！中國贏左呀！主勝五點三倍好和味........跟住老板娘又附禍我喎！(d 老板硬係唔識及時表達自已心意既，早 d 未食前唔講個喎...)

我都係咁話；得個林字，中國贏得合理！

結論：中國黃牛有氣(味)有力(有點韌性)，食起梨先夠過引既，和牛果種其實唔應該話係林、應該算係鬆！用梨鐵板燒或者打邊爐都好唔錯，但當牛腩咁用的話就食得太冇娛樂性哪！以上。

唔得！我都想講小小野

01/12/2010 09:48 am公開累積瀏覽 32

一向正字既野我都唔敢表態因為小吸收，又唔想明白，講左都係亂講。不過今次喱樣所謂高鐵事件雖然都係一樣唔知頭唔知路，都想講一下以自已所知加上自拍腦門之後既胡言亂語...........................

我估；高鐵應該係講緊貫通南北中國既高速鐵路、內地線路好似已經開通到冇看？ 我唔敢肯定，因為我冇看.... 接下來就係連通北京以至建議中既直通香港段。

事件睇起上梨好正常同好合理、交通方便就梗合乎新世代既思維；連接全世界啦！之不過點解今次香港會引起咁特殊既反應，所謂八十後既反抗呢？經我響辦公室咄左易拾分鐘力之後得出既茂論係：

今次港府動用成六百億公帑去整一條只利益到商家或者富裕人仕，點解咁講呢？其實而家港中交通基本上已經很是健全，你有飛機，鐵路各方面既選擇，班次亦十分之緊密。講得唔好聽喱樣高速鐵路可以算係一個車恥品=LV何包。港府(應該係自願上貢)囉咁多錢梨整條咁既野，得益既未必及上一半港人，更何況大部份八十後既一代都唔雖要用到咁既鐵路服務。其實我諗最重要既係我估：新一代可能覺得喱六百幾億應該係佢地第時既救濟金，生果金或者醫療金之類，所以先有咁勤力咁發聲。
再講，貫通南北中國既鐵路唔係應該由中國政府比錢既咩？我地出六百的話佢地比敲乜廚呀？
喱張相叫北望神洲

我並唔係話佢地只顧自已利益、而其實亦百份百正常喎，每個人都會爵眼於自身既利益！但一向都少於行出佢地自已既圈圈，而走出梨發聲既今次，港府都應該再研究下用第條繑梨呃香港下一代哪！

我對正字一竅不通，比左政府既錢亦都比左、唔再屬於我、對於喱個咁既茂利...呀我唔應該叫佢地茂利，影衰哂茂利功能界別！對於個咁既政府我只希望佢地是彈做倒咁上下、唔好太令大眾既生活再麻煩就柯喱吉帝勒！

有雞先、益或有頸先.......

01/05/2010 01:36 pm公開累積瀏覽 04

見標題；番翼為有機先、定要鏡先！好、廢話講完，今日話題，係你會買架功能質素齊備既高階相機先，用普通鏡頭影相、定買架是彈入門級單反，巨資購入超級靚鏡梨使用呢？

即如咁：一架堅狼功能質素齊備既....如 5D2、唔好問我係咪真係咁高質素、功能梨講唔算強勁，但係我"覺"得佢比我既影像，係好過以前既 40、同 450 既！或者咁講，到今日一月頭，我都以為喱架機應該冇乜野會令我再生 upgrade 既念頭！起碼我會以為使用佢既全篇幅 cmos 同強勁既高埃嫂功能，就算用咩屎鏡都可以拍出令自已接受既相片。但係，如大家所知、我係一條自拍腦門既茂利，通常以為既野根本係岩岩相反既！當然，唔係全部相反.......................

相機上手之後，適逢大份番薯最近熱誠澎湃既打雀情，自不然入門學打雀、經過三四回合之後，發覺現實又一次指証我既謬誤、一架入門級單反，未能夠張你支屎鏡缺點張顯出梨，但係一架二千萬像素既篇幅機會巨細無遺咁，把鬆郁矇既影像重現你個營乾莫上面！

連被影既主角都見倒支鏡咁弱、冇哂心機。
就係咁，有今日寫既喱段野，係証明左一架高解像單反會顯視出鏡頭既質素，當然、如果響好足夠光度既環境底下，咩鏡都能夠拍出靚相。
相反，一架入門高級傻瓜單反，有靚鏡既輔助之下，就算弱光情況，成像都有所保証，呱！？其實我都未能肯定，不過還記得之前用 40D 加上三百定焦埃時既幫助，輕鬆地還原一隻獨腳白露。依此可見，我問自已，雞先？定頸先係明知熱門贏梗都要去博冷！

其實，呀媽係女人就算茂利如我都知！但係當你望下個鏡頭價錢牌..
請問：靚鏡有冇入門級架？
有；五六千都有幾款既選擇既，咩 17-40，小小白之類
但係要囉梨打雀既呢？
都有；三百四都係八千幾...........當然，冇埃時既！要有的話都係萬易蚊遮。
不過三百愛梨打雀就唔算適合喎，打車，打馬，打飛機岩 d。
打雀咁細，果支啦、六百埃時！盛惠捌萬XXXXXXX
(後面其實唔洗咁多個 X 架！果 d 係粗口..........................)

喱 d 價錢牌我覺得係阻人入門既門神！尤其是冇錢又學人打乜打物果 d ......

見倒個價錢一定嚇叔嚇姪！