標題話既所謂大美國主義、唔係話一般既講法、美國人自以為是，自鳴得意、自大自高之類既形容，雖然實際上美國係自鳴得意，自大自高、你滿唔滿意、願唔願意都要接受，佢地響世界舞台上係有值得自豪既位置的。
今日唔係想講政治無聊題，係講生活上，美國好多出品都係以大為出發點、我後生既時候，可能因為學既野同做既野，關於潮流既出發點，從來都唔會望向美國喱一邊，其一原因當然係因為歷史短短幾百年既美國，有咩文化可言！？另一個要點係美國人生活方式都係大而化之，冇文化俱樂部既骨幹委員會委員，例子比比皆是、
衣；大 T-shirt，牛仔褲仲要唔洗解鈕都除得甩既賣得、
食；牡丹樓、巴家京，歐碧大塊扒之類.....冇文化既代表！
住；成個牧場咁大，掃葉鏟雪都要用車做。
行；諗下佢地既尖卡！？物是釘、五千司司、三百匹馬力先叫做經典。賽車個跑道得個大 O 字，跑五百轉，暈未？唔暈的話賽一條直路，快到要用降落傘梨停車，真係經典中既經典。
點解講咁大堆美國經典呢？今朝聽電台講飲咖啡，話追索咖啡文化，追下追下講到星巴佢、我笑左出梨！美國人飲咖啡有文化！？你問佢地自已佢地自已都笑啦、一日飲到黑，總要大杯、多奶多糖、同飲水相同意義既野，講咩文化呀？
香港人係咪諗得太多哪？囉出名既野梨講文化？我個人愚見........呀唔洗標簽喱句喎，因為喱處係我既愚見總會、出親都係！
以我講；如果講大的話，你囉美國梨講就有 d 份量，其它講到精，講到子細野、唔多關美國事！當然啦，科學上野唔計，只計生活上。美國連美女、模耷兒、都冇文化過人啦！
沒有留言:
張貼留言