不過響福田集合既安排同交待，顯示出佢地個導遊有點兒唔專業，我未去過果便唔知要用幾多時間過關撐 d 遲到....其實我諗係有遲左幾分鐘因為搵唔倒導遊所謂既一號門、原來個一號門字樣係寫左響外面、裡面係睇唔出既！不過我係響三十位團友裡面都仲跑第五，其餘廿五個都未到，所以施施然去買早撐都仲得。
雖然係兩天團，不過架車都好差下、連個咪都唔出聲，內地導遊又文雅，搞到個個都話聽唔倒講野，所以我對喱類攝影團既第一印象用差字梨形容。
至於團友，又出我意料之外、成日以為應該係龍友，中青年較多，原來都有好多呀閃出末，不過都睇得出並唔係初次參加，冇乜囉梳嘮嘈.......
開車！第一站羅崗梅園、導遊話左因為天氣未夠凍所以羅崗梅花開得唔夠，天日流溪果便會好好很多，大家稍稍同架相機熱身一下，下午去石門影多 d 紅葉咁話....
我冇所謂、橫掂都唔知點影，有今日既 v 靴嫂，天日可能會好小小。
食完個飯下午上石門國家森林公園.......紅葉之旅。
講起就好笑、以前住加國一到秋天成條公路天上地下都紅成一片，我零願睇加國肥婆都唔望紅葉一眼，家陣響香港個個星期都想話去搵....果幾塊橙橙啡啡既.....
不過又咁講，成個山又紅又綠又橙咁既景像，都可以影佢幾激既！
都唔似婚紗照既...
主角係邊個呢......
喱張係我揀既角度梨
喱張連劇務都入埋鏡
果日起碼有七八對模度響果庶等凍薑.....哈哈哈，
咁我就影埋 d 景先走既：
扮九寨
扮鵝蛋
間酒店響公路傍既五星級、即係邊度都唔洗去夜消喇，連炮找都冇技司，尤幸有曼聯同巴塞表演加上康師父！
今朝去埋流溪同三椏幽谷就完成喱個聖旦攝影團哪.....
冇講錯，流溪喱個梅園係好好多！
影完向住幽谷進發，設計上係車停山下、團友向上爬、終點係停車場等咁，個谷唔係太難爬、裡面亦冇乜野好吸引！相得幾張....
至此、景點完成，不過行程未完，導遊指點我地行到上公路但係搵唔倒巴士，咁我地一邊行落山一邊搵停車場，終於原來我同另兩位團友係行左二十分鐘後先見倒車來接.......
幾好、成六十幾個龍友都唔摷
總結係......攝影團有佢好處，大部份團友都冇乜嘮嘈，係會哦唔夠時間影相，因為有幾個蝦公蝦嫂淨 set 機都 set 幾分鐘先影果幾張，不過又冇人會投訴佢地遲到既。個個人都係咁影係咁影亦唔會要求導遊講典故，幾岩我喱挺粒聲唔出，見野就閃既團員。希望新年搵倒岩既團種參加！
囉梳：火星人屎慳屎抵先供倒架二皮野既相機、眼見幾位年青少女一 set 連 24-105快三皮既隨手周維隊，連最近對焦距離都.......我見佢地隊住朵比自己口氣噴爆既梅花對焦.....專登上網查一查支 24105 最近對焦距離係 .45 米、即係大慨一尺半.........
真係好想睇下佢地果朵梅花既成像。
