下集及主角出場

07/06/2009 11:30 am公開累積瀏覽 0 8

我識一個，由我識到家下都成五年，雖然唔算好熟，不過每年都會同佢出一兩次潛、大家可能估倒；我叫佢師公既.....黃小姐！

喱張相唔代表佢！程稱在先
以下既一段我先此聲明係我個人既感想，與別台無關！每個人對每個人都有唔同既觀感，覺得我靚仔既可能仲未見過我........
幾年前學潛水，開班第一課同學共十幾個，只有我同另一位廚師係單報，其它好似有成十個都係識既，第一二課理論堂都係佢上；可能當時場面混亂佢面口比較嚴肅，到出海時就已經換上老師 simon，因為原來佢要去工作？玩？即係潛水啦！就係咁佢就由師父變成師公。
之後我第一次外潛跟 da 去就係佢帶去披之。同時佢有一個 O 仔，兩個 A 仔教學，我每日見倒佢既時候係除左夜晚食晚飯外，就係佢有學生睇緊影帶佢得閒整碗 chicken mame soup！理論上佢一日出海五次咁上下，O 仔一次泳池一次海，A 仔兩次海，加個夜潛、咁第三日佢就可算完成喇以為會得閒 d 點知，佢去完個夜潛之後話有野想影跟手帶埋柯痔又覆桌！，其實佢應該係自已既熱情引至佢咁忙既遮，不過佢對於其它酒店接送，上落機各方面都追得好緊，連我地話呀 DM 喇利 fins 得快左 d 佢都立即同佢講。所以就係喱個原因我鐘意跟佢出潛。
好似佢咁一年到頭既水生活工作，得閒之餘以為應該係做下上水活動啦(編輯下影既帶做下交代喇)，點知佢仲喪，自已一條友飛去披之玩足九日，每次帶住柯痔出去就自已搵野影，影到柯痔都冇氣各散東西先上水。影一條 eagle ray 影足一個大夫；即係成兩個鐘架佢。(記得果次去屎未爛開頭果幾日好冇野睇佢居然影足成個大夫係魚樂無窮一個景.....仲當晚話放比我地睇，我地比足面佢睇左也分鐘頂唔緊訓哂)
當然，我唔可以肯定佢真係好鐘意工作、定好鐘意潛水！只不過係我覺得佢越教越高技術潛水，少 d 嚴格都可能係人命關天，一定唔會當潛水係一樣玩意！只好當佢好鐘意喱份工作囉。
到最近佢終於自立場地下，我當希望能夠以佢既熱誠，引領香港既技術潛水更能普及啦(尤其是女性)，雖然我冇興趣  HOVERING FOR NOTHING!
向師公致敬！
又加多句；其實我都唔知對唔對題：寓工作於娛樂架；不過我覺得"佢"係囉！
寫完見倒呀當指引睇番別人對佢既睇法，正正巧合左我寫左一糪等天日先出既！
老實講，果位小姐所講既諗真下咪因為佢自已唔響師公既責任裡面囉，如果佢自已兩個人遇倒 d 遲到既司機，向邊度求救呀？

又係果句，我唔覺得有人唔欣賞佢既作為係錯！每個人都有佢既睇法、我鐘意跟佢團係因為我跟左佢六七次，冇試過勞嘈。