有冇屎柯都好、新屎坑係要巴結下既

其實邊洗解釋遮、有機有鏡又唔係要你坐飛機坐飛船去好遠，就市內公園就有大明星偶像長註、點解唔去坐下、紀錄下美艷靚靚既七彩小鳥呢？

第一目標、和黃公園近月來出現左隻叫綬帶既小鳥、引來一大班龍友雀友，搞到平時清靜高雅既訂方大跳騎馬舞....應該冇人真係跳呱！？嘻嘻

我個屎坑岩岩施買、趕唔上佢地喱個熱潮、只有響上星期六，趁住小小雨粉之下夾硬都跑一趟......三點幾去到一支炮都冇！得番一位長者渣支天涯鏡坐左響池邊睇報紙！見倒小翠飛埋角落就閃閃閃....

                        

我響佢未入角落前閃左幾張就唔影，因為天已經唔光，用上 2000 iso 佢仲要飛入角落影倒都得一辟羽毛，影番 d 響外面夠光既咩鴝咩鳥算數。後來派左探子同公園保安套料佢先話冇喎、走左哪呱...於是乎咁咪是彈影 d 飛野囉..

星期日見倒天暗暗不過好彩冇雨落，於是又出槍，今日去更出名既青衣公園、聞說小翠表演好專業咁話....

就響機鐵行出商場就到青衣公園、個池設響餐聽邊，不過今日冇晒水，我去到見倒幾位槍友...可能炮友都影到悶晒，走晒去塱原影咩亞穆爾隼哪、小明星早已企定響後台，等多 d 觀眾時先開工！我走到餐聽盡頭食左個麵包午餐後先開動、喱頭未坐低居然見倒白胸走左出梨、立即放低個包凌空快閃幾張...

點知都未插好條快門線佢就轉身飛番上樹、原來佢出梨係警告不速之嚇既伯勞鳥

趕完之後就冇晒影、我見小主角完全冇諗過走既動態、滋滋油油食個包飲樽水先開始同做佢寫真。其間、先試準光度同快門之類、影下另類

由我去到二點幾到走五點半、小主角差唔多都冇走、仲有一陣差唔多五點頭時、見倒三隻同時出現、令到佢地既粉絲閃爆記憶咭，我就大機影完用中機、仲可以抽空埃瘋咳差埋一份

手機即係手機；只有大司先睇得出佢既美麗！

開餐

擺舖屎

橫掂佢都任影、我就想跳級、連企定定相都未畢業就學人打飛打定翼、捉之連佢幾時要起飛都捉唔住、正所謂見倒尾燈當你贏.....贏左！哈哈哈

打打....殺殺....

打一打小鳥、殺一殺風景.....

原因呢......我可以長篇大論、拉三囉四、上天下地天外飛仙咁講上一年半載，然後用段一百四十字既微博將喱打打殺殺做個結論。橫掂你地大部份都睇唔明火星微博既....

上個糪我提過響廣洲回程途中，果支 28-300 一直抱怨喱幾年來都搵佢出打雀任務佢根本做不來，所以終於的起心肝趁我有成兩年生日禮物未買，走去碌左支 456 番梨、哼哼、等你抱怨丫拿，張龍超虎、把果支亡命天涯鏡收監！質落風乾箱墊底......

人地影雀果 d 係大炮！我喱 d .....哈哈都算來褔槍一把既！大炮有炮西裝、槍仔都有、不過咁既身價我都係搵隻火星怪手動一動，組織番件槍馬掛喇.....未完成圖：

唔講咁多，本來想話去遠小小如青衣公園之類、不過晚上要附會季季紅、近近地濕佢一地吧！
先行過屯門橋、見倒佢地...

Big Four 出蘇

星期日既濕地公演比我既感覺係；我好想企響大自然度大嗌：唔該你地靜一靜！！！

當然我唔會晒氣、經過浮橋見佢地打打殺殺、順便劈埋一份..

拿拿聲行入鳥屋望倒心儀已久既白胸翡翠當然立馬閃佢個夠本、不過.....濕地池塘範圍之大、並唔係我喱 d 小小來福槍可以揚威耀武既，唔信的話，白胸小姐爵住果件衫咩牌子都睇唔倒，冇可能做到前輩大炮成品既數毛喇....

等左半個鐘佢終於肯行近小小...

唔好話件衫咩牌子睇唔倒、有冇爵褲都唔知呀！咁退而求其次、搵 d 多毛既影下先...

加番個熱剌會章先....嘻嘻

響個鳥屋坐左兩個鐘、全程就聽住格尼後面果 d 濕地呀叔埋怨話政府管理不善，點解唔整多幾條近 d 既木架比鳥企方便佢地拍攝、又唔放水迫佢地埋 d 比遊人觀賞之類大諗晒宣言，比鳥導鬧都唔肯收聲....我都想鬧埋一份嫁，不過當然會演變成打交收場....或者話我比人打收場囉！好彩響未開打之前撞倒曼聯球迷到場參觀、......呀、撐 d 唔記得舖屎埋張槍馬掛完成照添：

經過火星怪手一搞、完成左醜得多！哈哈哈