今屆既世界杯睇左咁多場、賽果出人意料之外唔出奇、奇在有 d 波輸得好奇怪、強隊打得差輸左我唔覺做假因為佢地冇理由做假、如德國點可能因為利益或驚分入強隊組而專登輸波、英國打和為左驚亞根停之類諗法唔多合理，因為咁樣既做法只有亞根停、法國或者智利喱種有策畫性既球隊先會做，一向自以為堅挺既國家球隊唔會做。
睇左咁多場波、有幾樣感想；
先講非洲波，尼日利亞係最差果隊！衰過澳洲紐西蘭.....仲有邊隊衰過佢地？成隊波都冇球味，各自為政、好似好多政府工咁、只想收人工而唔想番工！
喀襪龍係有基礎而冇合作技術所以連日本都贏唔倒。加納同亞耳及利亞未睇過，不過贏得波同和得英倫算做有所交待！科特迪瓦成隊都好平均，又係差在入攝方面既默契。
亞洲波今屆真係成長左唔少、南韓打左一場半好波、直到鬆左一野比亞根停入第三球先洩氣、北韓我未睇不過好似都有日本水準。澳洲紐西蘭冇辦法應附歐洲式攻勢既。
東歐幾隊有贏西德而輸比加納，應贏美國既又放水，我諗佢係唔想英國入圍所以放水比美國、餐 d 輸埋添。果場波比較明顯既係比美國追番第一球時個龍門係垂手既！比你唔係龍門一個波省埋梨你都舉手擋喇、佢側頭垂手喔、再講成個下半場兩翼囉波都唔肯向中路進發...............同尼日利亞一樣！
講左咁多，今屆我最唔明既係兩翼波去到禁區線無鎖識蟲！連西班牙都係咁，得美國斬入中路既波先有辦有眼喎、我真係摸不雀頭老！已經好多年對睇波冇興趣、一來時間唔岩二來冇乜有興趣既球賽，今次只因有隻電視手指而又咁岩十點有得睇先睇多幾場、估唔到冇場精彩。
響半場完之前補時一分鐘講下前瞻；德國幾差都應該贏倒加納既、即係同塞耳維那進級。呀金停入左、應該係同希臘既、呱？美國可以入十六既因為下仗對住非洲隊..英國佬贏唔贏倒司洛文尼呢？難講囉............其它荷蘭最似樣、丹麥都有機入十六既.....
好我地家下去一下趕告、下半場再講波..............................
沒有留言:
張貼留言