份子分解左，你還在呼吸之間.......

12/09/2008 10:54 am公開累積瀏覽 0 5

玩左潛水成三年，到家下先有點微言。
以前都響香港大花網講過下點解臨老先梨學沉水，皆因台灣朋友放左隻司巴單毒 video 比我睇，果時抗毒本領未得所以番到香港就去打聽學費之類野，不過正值冬季所以未有即刻沉左落去。

跟住第二年差唔多開季之前懶係安全咁專登走去報左個工聯會既運池試玩課，睇下自已夠老放棄喱 D 有体力要求既運動未。

還記得果次負責搞既都唔算係一間潛水會，只係小小一個唔知咩睇肉會幾個哂黑左既大舊甲手甲腳咁又拉又拖又躑咁張我地大部份仲有反抗能力浮番上梨既老中青，增加左一丁點既人生歷練！

對我喱講，果次經歷都仲有小小記得係第一次落水唔知個媽屎唔得定個鼻大得滯總之一直入水到我標番上梨，我仲響度鬧自已個鼻做乜同個口爭飲水？跟住果個大舊唔知用左咩辨法整估左我個媽屎之後，就咁..............
點解我咁鐘意用個口飲水可能就係果次引起既，好驚個鼻走去爭飲，我喱句唔算廢話架，因為而家差唔多有小小習慣左就算用左個鼻飲水都唔會再標同了！

補番小小結語；越玩得耐就越會發覺無論你有帶機落水定冇帶機落水，除左視野唔好冇野吸引你之外，基本上每次都總有一種令你覺得，呀唔係，係令我覺得我 5cf 好似除左感覺存在之外已經分解左響水裡面，不過都仲係咕.....................何................嘶.......(個 octo 有 d 漏氣.........)咕............................................何....


被蛀：微言=小小感想。沉水=潛水。睇肉會=体育會。整估=修理。標同=發癲。