何處是吾鄉......

01/07/2009 10:28 am公開累積瀏覽 1 0

得果三年淺淺既經驗基本上係冇足夠既材料學人講最鐘意張邊度當鄉下既！

不過我鐘意罨野就唔理夠唔夠材料都照講，你吹得我漲嘛！？

潛左三年去得最多既係菲 6 崩，P.G. 3 次 , Anilao 2 次, Malapascua 去過. 計起上梨最鐘意 anilao 因為海底較多迷你生物，住比較冇咁褔集，食又統一。我住過 pier uno 同 aquaventure 都非常好食，而且我覺得當地人較披之好禮貌得多！

當然，披之潛點範數多 d，夜生活大塊布選擇都多 d，兩者都是好好既選擇。

馬拉刨司瓜就令我覺得去過就算，因為以長尾鯊作招來係幾吸引，但如果你個妾果幾日主角失場的話你可能係會變成望尾石！因為果個狀似古戰場既地方乜都冇架！不過我地都算好彩見倒是姑餓乎魔鬼同兩條八婆除頭鯊，所以唔敢對佢評為一文不值。
菲國仲有一個點我係想去既就係吐巴拖鞋，睇幾時有夠腳同假期會諗一諗。
跟住泰國司米難，幾年前第一次去完披之後有諗過因為披之都算幾得我歡心想張佢當鄉下，拔；由於偏心關係，因為我一向都鐘意泰國風土人情。想睇下泰國水底會唔會有菲 6 崩咁上下先決定入籍，所以向司米難進發船潛幾日。
不過，潛四日得一日叫做有個  上水！笨唔係話司米難有咩差，只可以講對不上我個爛口形，佢出名水底景觀但我對 AB 眼都係自自然然導向去個海床迷你目標，從來唔識欣賞佢果 d 人類遺產，所以就以幾句話道出我既結論：毛可鳳告！
跟住就講到馬來西那，司巴燈。未去之前有 d 奇望，去完都唔會失望！不過如果價錢響一個限度之內會再做訪，事源最近得知一個四日潛團最小都過慢............
司巴燈笨冇浪得虛盟，有大有細有粗幼！實在可以令你開心足四日影哂 d 記憶咭回歸，但基於咁既洗費令我有一個除口就罨得咄既值口；去得兩次披之或者安尼留嚕...........仲可以去睇全黑沙.......跟住會解釋咩叫做全黑沙！
最後；一個我最唔想去陸上行既地方景然令我一次再一次想番去：引梨......
未潛水之前好唔鐘意引梨喱個地方，民族問題或冇咩旅遊景點吸引使然。不過當我去完第一次峇里睇模拿之後有所改觀；先講峇里印象，陸上唔講，第一日既沉船令我見識到巨形海底影像，睇模拿潛點令我明白咩叫缺氣，咩叫頂流，求救，自救，冰潛，爬山...............總之幾日之內令你見識到除左地球陸上之外有個咁既空間！
峇里印象：有冷熱水設備，高低速飄移，大細奇形影像，可以用目不霞給梨形容。我以為應該算得上極至哪呱，大家都唔想再睇落去哪咁長氣，
咁代濁啦....

被蛀：菲 6 崩=菲律賓。褔集=覆雜。範數=瓣數。大塊布= p.g.地區之酒吧，於門前掛上一塊大布。馬拉刨司瓜= malapascua。個妾=the trip。八婆除頭鯊=鎚頭雙髻鯊。吐巴拖鞋= tubbataha。司米難= similan。對不上口形=唔咀形。毛可鳳告=無可奉告。司巴燈= sipadan。景然=竟然。引梨=印尼。目不霞給=目不暇給。