体育舌影記者....philip5cf.wordpress.com/2011/11/21

我；唔係！咁大個仔除左賽馬之外，最多都係用手機影過下 F1 響中環表演，其實成日想去澳門影賽車、不過一來冇鏡、二來又唔熟地頭唔知邊個位好，所以得個諗字！至於排球同羽毛波都有諗過、不過又係果句，冇鏡！

今次終於的起心肝、買張飛入去望下先喇........香港羽毛球公開賽 2011！

個心肝的起時係已經半準決賽、入去諗住睇女單一姐王適嫻既！響網上買左六點半既飛之後、先知到佢打晏晝場！吹漲之餘，都還好有王儀涵同陳金睇下！

帶埋相機入去好彩冇人阻止你、一隻眼望住個觀景窗跟住你個魔度，跟本睇唔倒對方點打、贏輸都係靠聽噓聲，所以体育舌影記者係睇唔倒波既！哈哈哈.........

放相之餘還想講下對佢地既感想；男單既李宗偉有一哥風範、好小輸自己失誤、不急不燥！好

.....................................椅、冇左放相功能？

呵，睇梨又要搬都唔頂勒，算喇、寫埋喱篇先啦！

林丹基本上係高過李宗偉小小既、打法同能力都係、只不過有時會玩敵或者輕挑而輸既遮。

至於新人、陳金未全成熟、勘龍我冇睇過，輸得比陳金既應該都係半斤八兩呱！之所以羽球都仲係中國世界既原因可能係外國既新手要磨得耐 d、打贏中國人既多數係老將。

中國既女單仲未能穩勝因為兩個話一姐既都仲好後生！王儀涵冇乜板斧、不過我最奇既係王適嫻，佢仲細過王儀涵，睇佢打波時既情粹幾唔集中，有時神來也，有時小那巴！無端端失位都有既。睇梨要再打多幾年睇轉唔轉倒形先啦！

至於另一位汪鑫就更奇、佢響中國國內時常輸比雙王、不過外國人贏佢唔倒喎，就講果日打贏王適嫻既丹麥呀姐聽說是中國女單既頭號大敵，不過對住汪鑫係八比零，加埋琴日就九粒！我望過下佢地既得分過程、丹麥有過幾次過頭兩三分之多都比汪鑫反先仲拉開、喱 d 都唔好話唔係心裡壓力哪！

火星台体育記者響度報導係得咁多；因為廢話再繼續就露出長腳比人知我亂罨嫁哪！

喱個 wordpress blog 其實冇乜野、仲覺得佢幾現實化，唔 upgrade 就冇得放相，睇梨我又要搵過第個星球住哪............

魔鬼...philip5cf.wordpress.com/2011/11/16

說人買野 upgrade 既通稱魔鬼、個人覺得唔一定，睇你想買既係唔係超越左你需要既野遮！

你想買碗叉飯當晚餐、我介紹你去半島食的話可以入魔鬼界、因為半島並唔係出名叉飯、但就一定唔平喎，咁理所當然係魔鬼界！

如你想買架相機有晒應用功能更兼響合理新科技範籌內而你亦能夠控制勝任既話、我覺得合理！起碼唔洗你再半年升級一兩次。冇錯我講既所謂技術同功能範籌因人而異，我就囉 5D mkII 梨講，二千一百萬像素裝響全片幅 cmos 度我覺得夠而平衡！再多像素記憶咭裝唔晒更且傳輸晒時間。又有高清拍片你用唔用都隨手等你玩！

不過老實講如果你睇唔出全片幅機器有咩特出同性格、咁是彈一架 500D 或者 D7000 都已經夠用有凸，咩幾多對焦點呀、連拍幾多果 d 你識得用先再深入研究喇！



d 人係唔係都叫你買貴既、屁如買寶馬好哪、唔洗轉咩無限、市本、AC 時喱洒拿改啦、不過唔好買二千五 CC、唔夠力......
佢唔理你幾多人坐、要梨做咩、一星期渣幾次，就係指你買自己既尖卡、尖機，亦唔理你識唔識分所謂光穿怪門 1.6X ，M4/3 之類......

魔鬼可唔可惡！？其實佢地真係指你一條明路架、因為佢地果 d 尖機尖卡一定唔會係普通野、起碼唔會介紹你用二百萬像手機影相、同 kia 或者skoda 囉，因為佢地對喱類普通野都唔熟架！哈哈哈.......喱普通野我都唔識的！

好似好長、其實可以好短！.....philip5cf.wordpress.com/2011/11/12

我想講既佛教十界！以我剩喱小小仲未離開既佛教知識、只可以係咁椅講下、多兩句就顯現晒不學無術！

佛界：平和、安穩、覺悟，無求......寫再多都係等於乜都有同乜都無！明唔明就睇你自己對滿足係點睇法？

菩薩界：憐憫....其實菩薩另一個名就係愛，至於咩係愛；又係果句，你點睇：愛？

緣覺界：平時大部份人都比較小聽倒喱界同聲聞界、緣覺字面上係話因緣而覺悟、因為緣起，可能只係一剎那既覺悟。

聲聞界：我所明白既聲聞大慨係好似喬布司施主咁上下、一個對世界有貢獻既名人。

天界：聽起上梨好似好堅、其實一字記之若開心、快樂既時候就係處身天界架哪！



人：深奧 d 係十界互具！即係時時刻刻響喱十界裡面轉來轉去、其實又再深奧 d 、就以上喱十界之中既每一界"都"係時刻十界互具既！

畜生界：愚、癡、蠢！？固執？總之好多好多樣既愚癡蠢都係畜生之內。

修羅界：好多人以為修羅係日本神名、或者卡通漫畫人物、其實修羅係天上諸神之一、以自大、嗔怒出名！每次你自大、生氣既時候就變成修羅！

餓鬼界：貪！一個字形容倒餓鬼。

地獄界：亦都係非常容易明白既地獄、唔須要想像果庶既情形、因為當你一覺得痛苦既時候就係身處地獄界！


屁如比人個袋摑左一野有點痛、當場就成為一個地獄、跟住唔洗半秒去左修羅！見倒原凶係 A-Lin 既作為......你覺得會變成邊一界呢？

哈哈哈.....跟住你再問下自己、幾時可以變番人呢？又可以維持住人得幾耐呀？

佛教既野、無論你有冇宗教信仰都有可能接受或不接受！接受既可能覺得同自己宗教有 d 似、唔接受既可能覺得虛無、不現實！

但如果試張佢地既野諗簡單 d，如你試將十界互穿、四穿十五、五穿二十咁互穿過關、有可能中晒冇獎架！

火星人講咁正既地星話、係自己覺得要尊重下地星既文化之餘，有時都幫倒火星人生活響地星度、態度同心情既！

姑航的香港商人......philip5cf.wordpress.com/2011/11/10

香港有好多野都全世界第一或者已經站響第一層既技術！不過可能計得太盡，乜都計住計住搞到非常出名姑航！

講話手提電話用量.....哼！洗乜講？香港第一.........應該係！不過最近聽說電訊商發覺太多人上網搞到不勝負荷......所以加價、或者勸喻大家唔好成日用手機上網呀.....



十幾年前住加國、電視係用光纖入屋傳送，冇所謂流量限制，當時香港電視用天線、電話用電線、上網都仲分緊幾多"跛"上網速度，我當場 o 咀、香港喎、點解差左加國咁多？手機網絡話就話好多天線訊號定當唔會斷線.......講笑，到喱家都仲時不時斷你六親喂喂喂呀！

其實我陰茅論話佢地專登斷你線既遮、香港咁細、度度都有天線邊有可能話收訊唔好丫！

至於上網就更加姑航、光纖都係最近先入屋！陰茅論話喱種光纖我懷疑同牙簽上下晒屎粗遮......

其實技術一向都有、只係佢地想收多 d 錢、等你用貴 d 既 upgrade plan， 家下見個個人都頭耷耷望住手機過馬路，一於反口加你價、同股東利益作個膠袋先！

天涯、名鏡....都...唔錯！....philip5cf.wordpress.com/2011/11/07

天涯鏡、一鏡走天涯！去澳門睇水雲、有 zoom 有防手振，
去九寨，有 24 歪又可以用防振慢流諾日朗部布！總之由天、到涯都用得著！

今日講番上星期人地借既紅穿天涯；24-105.....大司嚕話果支 28-300 先正係名乎其拾既天涯皇！我讚同，不過我睇唔上眼！因為大部份過萬既鏡我"都"眼唔上眼的。哼

試左 50mm 就應該同 24-105 做番個報告先，琴日冇馬跑所以早 d 出門，先去探下貝貝話既"爛"相機跳早市場。哈哈哈我之所以話爛係因為唔鐘情於攝影界既人仕，見倒一地係既古董理所當然會口出狂言話：乜咁既爛野都有人買？郁唔郁架？之類.......

老實講我行完一轉覺得；除左果 d 雙鏡同中幅機我識之外，其它果 d 真係幾爛架！仲爛得幾多人鐘意添，所以我唔阻住人地，轉身離開石夾尾，順便閃番兩張舊樓：



新樓：

下一站鑽屎山、志蓮淨同南乜蓮園......睇下南乜蓮先....soli、南蓮園遲！


哈原來果度係香港旅遊點之一、好多外國遊客參觀個喎、咁我就又轉佢一圈，用喱支小天涯全程盡開光穿、之前試出左黑角問題經相機高科技安排，係可以化解於無形之中！我架機因為冇榮幸用到堅狼鏡，喱個分唇被我封印左直到琴日先解封，出梨既校果大家有睹共目喇！

不過我又唔明，喱支鏡以前都存在架喇、咁以前冇化解分唇咪等於個 4 光穿用不爵？耐人尋味！唔理咁多，轉左一圈就上淨宛...



都未夠一個鐘佢地就話要關門練功了、所以又轉番落去南....蓮...院池！趙多兩張大部布...




收息之前交待下喱支野既印象先；24 歪我覺得大慨都夠，有 20 就最好、不過好似冇！17 其實唔太多用途。

105 係撐左小小！不過你當佢小天涯都幾好用既，個防手振亦好，不過我鐘意騰龍果個多 d，因為騰龍果個一開你會睇住成個畫面停左響果庶比你影、堅狼果個唔太覺得佢定晒囉。另外就係支鏡好四重！頸都咩埋的。

最好呢、將果條紅色線改左金色，賣五六千倒就直用勒！

調轉左既！？....philip5cf.wordpress.com/2011/11/04

咩原因令到新生代既身体好似越梨越差呢？成日聽倒 d 細路話、我自己記憶中既細時差唔多可以郁的話不要停咁滯...

今朝見倒個咁既情景、成頭白髮呀伯上車就咁渣張報紙研究，唔洗扶手企得直直！

另一鏡頭菲傭咩住書包既格尼突出左對白白既腳仔、少爺半屎不活咁坐響張接凳度、等到開晒門人地慛咁滯先爬起身落車.......



一老一少調轉左！哈

我個人好多歪理；香港人成日話做運動、游幾個塘、跑幾多里，打幾多日波，行幾個山........

整乜一上車就 dutch 落位坐？應該一便坐車一邊打套原地太極

靚鏡唔一定係毒梨、解約都唔頂....philip5cf.wordpress.com/2011/11/01

熊貓家族有兩支未有用住既堅狼鏡、開頭我只想借支平野，因通常我都唔敢同人借 d 貴野，賠唔起呀！不過佢地又兩支都借晒梨，咁就比左個機會我睇下紅圈鏡既威力！

上次試用紅圈己經係電眼支 17-40，感覺只能說是良好！唔識用倒佢既威力。今次有 24-105 算是紅圈既天涯鏡，同 5D 既最佳 kit 鏡。
另外吸引我既就係果支平野、50mm 1.8，喱支野新賣都係七百餘、我一向都冇興趣響定焦鏡度因為都係人像系列，我完全唔識用！

不過最近突然 Z240 一閃、想話同自己本字典辯論下！自身固執覺得好多鏡頭都要 8-11 光圈先有最佳校果、要果 d 1.8 梨冇用........

總之就係哪、固執喱家野唔洗解釋亦解釋唔倒............

借左支定焦 1.8 梨即刻上機試影太子......唔！原來個井外面既視野大過個井裡面架！哈哈哈......




隨便影左一堆番到屋企電腦睇，覺得佢影倒個立体感覺出梨、當然可能係因為用 1.8 光圈既焦段短既原固吧！咁等我天日帶埋 24-105 上山比拼我支 cheap 精 17-35 先啦。

不過由出發到山上都係裝住支 50、除左影景之外，個超大光圈既出品幾有趣！



老實講我分唔出佢地分別除左....支 24105 響歪果便有暗角！連喱張 11 光圈都仲見倒小小....anyway，係咁椅咳差幾張就進行重要任務！食個 whopper 先！(嘩巧哪貴、成五十元一個餐，我只食左個淨 Jr 都 25 皮)

換番支 50 繼續.....影景都得架！


影人呢就要唔好郁至得：


夜景都還可以...


唔.....................我亂嬌咁影你地都睇唔出支鏡既能力架哪，等我講兩句先；定焦鏡係真的有特式既，大慨因為同變焦鏡既壓縮感唔一樣，加埋景心短、睇起梨幾立体。後來番到屋企凸發胡思，有冇可能因為夫飛既 mkII 先有校果呢？所以就試埋架 450D 既出品.....


分得出嗎？全開光穿九十分一秒、可惜既係 5d 用 iso640 而450d 冇、用左 400 iso 梨比。可能相同快門架 1.6X 唔夠光、連色都失埋輸一條街！不過大家應該唔難發現個壓宿感好唔同....咁你可以話千二萬同二千萬既分別既。總之就係咁喇！
唔.........................................it gotta be da camera!

你地都快 d 媽挑喇！

鳴謝！熊貓家族

唔；你有甄茅既....philip5cf.wordpress.com/2011/10/29

火星人平日毛鎖仕仕就目及香港生物既千態百態，繼睇唔過眼喱人爵 MBT 同 一舊磚頭果類舢舨鞋之後，今日梨同大家分響下搭西鐵既小念頭！

香港人可能平時太忙太辛苦、幾時都想話搵訂方休息，搭車冇位坐會扁咀，所以引發鬥衝門搶位既習慣、響度當然唔需要講內地果 d 高手喇，佢地既所作所為己經可以表現"唔要面"既極至！

香港人其實好怕人話佢貪、搶之類野、心裡面好想搵位坐而點都唔想比人覺得"好"搶既感覺，所以就引出我想講既連車帶子派！

先講講讓位比老人家係好應該因為佢地平時企都己經唔多穩陣，一個唔覺意跌一野真係冇得回復既，所以佢地同大肚婆一樣等級，有時一見倒大肚婆會緊張過老人家因為其實好多老人家仲穩陣過我，而大肚婆就好難講既，係最衰有時見倒 d 大肚"腩"婆真係不敢做次......讓位與大肚...腩喱樣野幾醜聞下既。


介紹番連車帶子派佢地有車、有子、同多數兩公婆出現！無論個子多大，通常唔會坐住佢架私渣車入地鐵、多數用抱住既！車就放袋或者雜物，咁既做形就應該會引倒起碼一個位勒！

哈哈哈......我唔會中招既！對我梨講細路仔識行識跳我唔會讓因為跌唔親、唔識行果 d 唔識坐自已架麥拿倫麼？點解要抱呀？



其實香港真係好妗別奇凸、好人壞人精人笨人全部都有而且都好極端、生活又走得極端喎！

你愛既會讚嘆不止，睇唔過眼既真係"截截"之聲不絕於耳！
我....火星人；睇下，寫下咪又偷笑下咁囉.

點解要 upgrade？....philip5cf.wordpress.com/2011/10/26

喱個主題係我喱兩年所見所聞最多既！無論大或細，車啦、樓！玩 app 既 game、更至 Flickr 同 wordpress，都有得罨龜！真係罨得就罨...

車同樓你有錢係可以既、做人心理滿足幾緊要，一早比人叫聲靚仔都起碼偷笑個十零也分鐘，有錢將架喱空煎出品換成架德意志奔跑或者 AC Schnitzer...係唔係叫時喱洒拿呀？亦都係好開心既行為。



至於換樓的話，我痴人說夢諗過，果屎住加國 d 樓成三千幾尺仲有前後花園，平時好地地都唔會出去後欄逛一圈，反而落雪落葉既時候你就會口出狂言話三咩千咩尺丫拿，家陣產到隻狗咁勒！信誓旦旦話過我自己既屋一定唔要超過八百.....

家下住既四百幾尺個廚房都唔多關我事、當然唔會將罨龜喱樣野同換樓拉埋講。不過如果你會去影相網度過日子，罨龜喱個名詞同胡杏兒林鋒出現既次數相約！相機、鏡頭，閃燈，慮鏡甚至個相機繩都有得罨，精彩燦爛呀直頭......

我上次罨龜架相機時係快兩年前，由 1.6X 換成全片幅仲可以拍短片、到今時今日都唔識用佢個拍短片對焦，汗顏！

因之諗起，夠景喱樣所謂罨龜係咪有需要呢？其實個答案開頭寫左；心理滿足最緊要！

不過寫個糪遮、點需要罨龜呢？罨左唔通好似 Siri 咁用講就幫我寫埋？就算係都唔岩喇、哦 d 火星文講不出咀，要用寫既施滿足架！嘻嘻

好耐冇落過水星哪！.....philip5cf.wordpress.com/2011/10/24

有兩個月哪、喱個月再唔落就可以等明鏈，所以梗係走一轉水星喇！

可惜既係氣溫已經開始涼、更兼喱幾日起晒風，都唔知可以去邊潛，好彩既係版聚一向都可以租倒大隻船，不怕風浪咁、向住果洲進發！

今次版聚因為人唔多，租左十幾個位比另外既潛友....教班！個人覺得喱班外國人有點奇特；果位中樣西人唔專業之餘仲冇文化、裝備準備不足之餘同我借左個繩碌，用完唔出聲放左響我樽位地下，唔係我認得個磨碌收番可能要我問佢佢先會講都唔定！係我衰、唔鐘意同人教仔，柚佢下次比人丙喇。

船出到唔知邊度入左峇里區！因為大浪到同峇里睇模拿果度冇兩樣，響香港我真係未見過咁既陣容，船長經提示之後轉左入 long care、風平浪靜泊左好幾隻塞滿人既戰船、水潛到四十分鐘後；開始凍，視野唔算差，不過野就冇乜可睇。更奇既係今日一邊潛要一邊放氣、真係唔知點解件 bcd 到家下先壞！

哈、你估咩奇！？原來富匯同我一樣喎、佢勁 d 、滲氣入 bcd  快過我，又一奇既係我同佢都係 seaquest！原來中浪茄唔適合 seaquest 潛既！

不過冇所謂囉、浮左個鐘個兩隻牛：


上到水聽倒謠言話有人去倒香港馬代喎、又話大魚又話細魚.............咁我地咪食完飯吹完水就上機去香港馬代囉.......

點知可能機司唔識路、又話者謠言止於志姐、香港馬代從未出現於吾人眼前、涼浸浸左二十分鐘好彩托托打夠左我地、因為搵倒隻藍罐牛油曲奇



好彩佢都好客氣同我地周旋左十幾也分鐘、一邊上鏡一邊食野、又冇乜匈過我地、終於見飽飽地就番屋企講擺拜


結論係、有機會出潛，一係用大船、一係用清兵船長，心口寫個勇字既，咁先唔洗驚話又朝咀寸寸魚牙..............

兩條火星人笑笑話....philip5cf.wordpress.com/2011/10/20

以下係一段飄浮響太空中既訊息、兩個當事人都知到比人擺左上台；所以唔開名哪！用 P 同 K 代替喇！開頭係 P 答緊朋友話自己唔係香港人....

P：我唔係香港人！

K：不如我哋翻火星啦！地球人好可怕啊！

P：唔洗喎！佢地都同你一樣咁諗架、可能佢地驚我地多 d 添架！哈哈哈

K：哈哈哈哈

P：你睇你笑得幾可佈！？哈哈哈


K：我都覺啊！貢典線啊？哈哈哈

P：你仲笑！？哼

K：哈哈哈...薯~~細聲D囉！嘻嘻

P：如果係咁，生活響地星會唔開心架；你不如番火星喇！哈哈哈哈哈......

聽到喱度斷左咯；照咁睇火星人都好矛盾囉

如何治柱！？...philip5cf.wordpress.com/2011/10/17

最近有好幾樣野令我 o 哂咀，一路睇住本之字通奸寫到三角關係，唔止將由細到大既英雄偶像幻想破滅，翼德、雲長係老粗茂利一早都知，趙雲冇亂寫都還好彩！最振驚既原來豬哥亮並唔係咩大兵法家，赤壁戰基本上亦冇佢份，係周瑜一條友單刀建功！維繫蜀國大部份戰功都係有頼將士用命既遮，佢只係一個政治家！講好聽 d 有點治國既能力，比以前既傳媒將佢化身燒筆命，都係比大家茶餘飯後吹水多個話題咁既！

近代既傳媒比以前既更大放異彩，唔止穿鑿付會，濫竽充數，無中生有，更而、將簡單簡單個"一"字、寫成"棻"字仲還預測到明年會加多幾劃⋯

夠景現代既新聞仲有冇準則既呢？一支可樂仲係咪一支可樂呢？或者咁講，仲有冇人報導一支可樂既新聞？如果只係話果支可樂由打開蓋後被插入飲筒、五啖四啖之後發出 girl....girl 聲而完成其一生使命，當中最多加上一兩聲...噁..........兀....

冇錯，咁平凡既一段紀錄有咩好報導？但係你都唔洗報導你響次所等緊体內廢物爆破工程完成階段前，果幾個字時刻所幻想出梨既小小腦屎，張佢寫成好燦爛噴落屎坑既体廢咁，公之於眾格、果 d 係小說！科幻小說梨喎？



你地都有下一代既呱！？幻想下佢地讀倒佢地老豆老母寫出梨比公眾睇既果 d 咩野、真的是.........多摸的撐爛哦！哈哈、哼哼哼！

明報話：Foxy泄黎智英是泛民大水喉....(泄！又用估？)

平果話：LINE迷盲Load盲鏟......(一個 app 都報導、咁點解唔報下樽裝可樂點解唔轉用手扭蓋呢？)

成報話："據"一項民調顯示梁振英獲近三成受訪市民支持做特首..........(橫掂都係你估佢估唔洗負責點解唔出埋名呢？)

星島話：專家話：喬布司遺作 iphone 5 明夏推售.........專家講既野有冇 d 似預言呀？報"新聞"定報"預言"呀？

係好難預測既....philip5cf.wordpress.com/2011/10/16

地星人既心態會隨住空氣改變，喱樣係我火星人既感覺！明明我覺得冇可能既事，轉頭可能到冇可能唔可能！又一段廢話引梨我想講既果套戲；作死不離三兄弟.....



未諗過會入場睇喱套戲、並唔係因為佢係印度戲；之前睇過好幾套印度戲比我既印象唔差，除左歌舞之外，大体梨講幾有特色，唔會無中生有亂咁拍一餐黃精出品。

喱套戲初初比我感覺都以為只係一套青少年片，不過聽過幾位朋友口卑之後，琴日專登入去研究下地星人點解會對喱類印度片講唔錯：

哦......
故事係講一個大師...有錢人混入學府去唔知為乜、以自身既教育態度，教化左好多人，其中當然有喜怒哀樂喇、仲有張活游既病到屎唔屎、吳楚凡既咳到咳唔停！劉克孫既惡，譚蘭卿既潑，再變成白燕既柔順........麥基既咀臉同胡楓既辛酸........

係咪好粵語殘片呢！？最好笑佢裡面介紹窮鬼個屋企時，根本就係向粵殘至敬！用上黑白色，老豆半屎既撻響床，老母咳血既情景....

如果你會入去睇喱套戲，我覺得你都會有相同既感受；粵語片既橋段，之不過拍出個娛樂性同人倫感情，加上一大片靚景！

真係唔知印度有喱類風景。定話係新影視科技成品，總而言之、睇得開心，感得流淚、笑得大塊.....成三個鐘頭回味一下細個時一見倒就轉台既片種，好睇

今日一平果....philip5cf.wordpress.com/2011/10/15

今日一平果，講平果電腦！好多年前發覺、用 window 成日有問題，有過想話轉用平果，睇下係咪一樣，點解會賣貴過標姬既出品咁多呢？唔會話得個樣呱？

兩年前見倒佢地出左平民版既 mac 電腦，減埋學生價先係六千幾就諗住轉啦....點知有好幾樣既睇軟要重新再買，好哪貴！所以.........

到出現埃瘋，諗左一陣就加入左佢地既世界，上手後覺得好人性化；因為除左一樣野搞唔掂之外、其它操作好似冇發生過疑問！搞唔掂果一樣係寫短訊時冇左個刪前同地裂後錯字既按扭唔識用，問左人之後都冇難度夸過左。

後來既埃劈就更加之易用，版面大左，操控容易，實在差唔多可以代替一個坐抬電腦！有 d 設計更加過之遠矣、如用手指拖拉既操控，令我諗起多年前睇湯個老師果套電影、當其時覺得科技應該係咁上下時候可以令人飛起哪！

可惜既係、等左咁多年，你望住個咪高梳乎既進化，都仲係日日要掃毒，時常騎木馬......最多都係得個平字！不過得閒轉一個 window、平唔倒去邊。



睇番平果岩岩轉用既 iOS 5 既特點，真係好有以前科技電影既眼光、用手推拉、係冇錯，好多電話系統都用喱個方法、不過如果佢講既喱個 Siri 系統真係成功的話，真真正正既思想電腦時代就應該出現哪！[-o<

話遮；廣東話咁難搞仲要加埋星爺無喱頭，起碼要 SSSSSiri 先明解哪！"哈哈"

任用唔洗錢...philip5cf.wordpress.com/2011/10/13

司法覆核喱個名詞近年好流行、你當佢潮用都講得通，因為講得多、用亦不少！

以前中國人講；生不入官門、屎不入地肉，大部份中國人都唔喜歡告官，萬事以和為貴。不過現世代人講自由，全部眼光都集中響個人自身既自由上！無論響自己屋企，或者公眾場合、只會著眼於自己既利益，全不理會別人，或者公益........

司法覆核既原因無非係自己覺得唔滿意政府又好，格尼既呀叔呀閃又好，總之睇唔過眼，聞唔入鼻既行為或者景像，都申請司法覆核！

我諗、點解咁流行於申請司法覆核既原因，大慨係因為唔洗錢、覆錯，核錯都冇人罰既原則下、總之有時間，當一個 event 咁去玩下都冇壞，一個唔覺意贏左，仲可以印個橫額掛住乜乜成功爭取捉走兩隻蚊玆....等等。

塊奴呢；今日有條友申請司法覆核因為地鐵興建海怡半島工程話會影響環境；比法官反彈話無喱頭！
仲要同辯方比埋訴訟費幾皮野，我個人覺得大快我心！
咪等你話唔洗錢司得法得咁開心、得閒就忽個核、以己之好，搞到喱挺法治社會全無規舉！
最尾我話；喱挺係又告唔係又告既心態、十足李傲兩父女！響美葛住上幾呀年，開口埋口都話告人、癡媽 gun！

香港政府幾好架！.....philip5cf.wordpress.com/2011/10/10

雖然果六千蚊仲響富房游游下未出世，我已經用突左！今天係六千蚊旅程既最後一天，景點係機場......同熊貓！

天真的我以為響成都睇親熊貓都應該係熊貓場、誰不知係成都動物員！"哈哈"

辰早流流去探動物，我諗應該同人類一樣，冇喱精神！實情........................係！你睇佢、即係睇倒我起床時既態度！


我閃左兩張就唔打搞佢勒、睇下有冇第 d 起左身做緊野既啦；


小偷？                  仲打緊喊露！       唔肯起身既！        喂仔既......
仲有；嚇人既.........

岩岩想撳失打佢就衝埋梨........

拿拿聲去探雌鵝先..................去到果度見倒四五隻怕火星人怕得好敢要、咁我唯有偷去佢地後欄，影未訓醒既果個管家喇...

我諗大家去內地旅遊都應該好小機會去參觀動物園，所以我喱段成都動物員就介紹多 d 動物比大家睇下喇！"哈哈"


個老豆               小魔星           大花臉             鐵囉柚


食緊早撐既一家三口 一日食到黑既遊俠   我最善霧既潛水畢地

好勒、因為上機之前仲有個特式餐，所以要集合上車食個十一點午餐，然後上機完成，我當然留番小小時奸去再探求先未訓醒既主角....

我挑！佢真係好分裂；一係唔郁唔斬眼、一係不停咁左閃右拐、左右插花咁，完全唔肯合作比我影張大頭相、我只有出絕招、用三百mm...


哈哈你飛唔咄我手指哪既.........

我諗........我淨係梨過成都、未去完九寨架！