靚聲.........

06/25/2009 01:28 pm公開累積瀏覽 0 0

最近唔知係咪 youtube 發達，響上面時常可以發現民間髒龍餓虎比比皆是！所謂靚聲皇，美音后嘆為觀止。

近期最潮既梗係 Paul Potts 同 Susan Boyle 啦，potts 我聽過，第一次聽果首短曲真係聽到老淚中環，亦可能係因為見樣聽住覺得咁既樣人仕都唱到咁既水準，係有 d 先入為主所以覺得驚喜從而感動浸濕中環。 或者話人老左易流馬尿呱！anyway，但係後來去 hmv 專登聽 cd 的話，發覺始終係得把聲，冇功力感情！所以慳番冇買到隻碟。

至於喱位村姑靚聲我未聽過，但係講靚聲，女仕梨講我地中國內地多不聲數！就上星期去心振比人打時專登轉台去星光大道聽果 d 唱歌比賽，就果度五個參賽者起碼有三個算得上專業級出得賣得既唱片！最後係一個也碎頭既後生仔同個賣衫既沙呀碎呀遮爭冠軍，果位女仕你唔知聽緊星光大道的話，聽佢唱左三隻歌根本以為睇緊中央台新年晚會果 d 大歌星一樣！由民搖到名曲，京劇到小品、全部都舖啡唇勞到冇野講！
另外果位後生仔，就更加全面由時代曲到劇團小品名曲，無所不能！所以贏埋果位賣衫大姐。
以上兩位都有一個共通點就係；兩位樣貌都好入世、即係普通！
照咁睇，對照為響電台做 dj， 播音事業既從業員多數都係貌不驚人、甚至可以做職業殺手添！因為職業殺手最緊要容易隱於人群中嘛。
所以話又靚女，又靚聲既(唔講男人因為男人唔講靚！)數下數下都唔多

今朝記起一個叫 Ann Wilson (黑髮)既，佢係一隊叫 Heart 既 美國(加拿大) rock band 既歌手；佢同佢妹都算靚女.....後生果屎！因為佢成名左冇耐肥左又肥左！個靚樣比 d 肥細包扯大左，就咁，得番佢妹 Nancy Wilson 一個獨靚。不過講到 Ann 把聲就真係小有咁靚，又勁！如果大家有印象一隻慢歌叫 Dogs and Butterfly 既就知佢靚聲，其它當然仲有 What about Love 之類好歌啦。(之前講過果首 If Looks Could Kill 就係佢地既作品)

其它如 Enya 聲算靚但樣算唔算靚呢？射喱奧光拿算唔算靚聲？沙拉跛文同好樣近唔近？喱 d 都不忍深研！

再講到麥拉畸喱就當然唔算靚樣(細個還好)，靚聲都有商確餘地，有好多人都唔鐘意佢時常用氣聲唱歌，不過我響喱度唔再多講佢啦因為有睇我寫糪既都知我係佢歌迷，再寫都寫唔出 d 咩新野。

beyonce 睇佢夢幻女郎套戲有時覺得佢靚，有時又覺得佢普通喎，講到靚聲佢當然冇粉、但都算聽得入耳！
其實我知得幾多所謂靚聲呀，喱十年梨因為冇再同朋友響多倫多狂唱片舖之後絕少聽新歌同歌手，再講落去比人笑！

寫到喱度大家可能會發現我唔多寫靚聲男既，因為男人唱歌係講感覺加馬！靚聲男係囉梨窞女忍既遮。 我鐘意聽既張學友係佢發癲果時！

被蛀：髒龍餓虎=藏龍虎。老淚中環=老淚縱橫。流馬尿=此處作感動解。也碎頭=二十歲頭。沙呀碎=三拾歲。舖啡唇勞= professional。家遮=家姐。射喱奧光拿= sinead O'conner。沙拉跛文= sarah brightman。麥拉畸喱= mariah carey。狂唱片舖=逛唱片舖。窞女忍=女人。