拍鳥一整天

02/01/2011 04:10 pm公開累積瀏覽 4 6

星期日一早收倒個上海回港渡假既朋友 Call 叫去影雀、有車就方便得多喇、立即拉出封塵已久既長鏡同 5D 出發！經向鳥攝前輩大份既請教之後、對住大帽山就踩油，我唔知有咩影，除便去下郊外見乜影乜都係件好事。
去到好容易見倒一班大炮手圍住左一忽地段響庶起勁地口交，當然係主角鳥未得閒既關係喇。我同舊石行埋去就分開走，我用泥膠鏡梗柄埋樹底、以扮唔似生物既角色為主，以免等陣喱大師影影下主角走左佢搵野賴。舊石有腳有長鏡就企埋佢地後面小小咁、冇幾耐主角出現勒；橙頭地鶇

我只顧影、叫乜名唔關我事！冇幾耐又有另一隻細既出現、又影！紅協藍尾雄性

就咁影左成兩個鐘、佢地來來去去，完全唔想走、我地兩點鐘去食飯既時候又有新既一班影友出現繼續。究其原因點解唔走呢？咪就係最古老既一句；鳥為食忙囉！近年來流行左影雀，好多拍友為左影倒、不擇手段佈置一個人做花園、每日帶上鳥兒至愛；蟲，放好晒咁、等你食完又放........所以佢地(鳥)根本唔理你點樣破壞佢地既生活環境、覓食習慣，雖然有好多人話咁樣長此以往定會影響其求生本能！我都覺得實在壞手段，可惜既係，我地能夠做既只同唔食魚次一樣，十人唔食有千九人仲食緊、跟住仲有幾百人準備學食........並唔係響度講 d 咩大道理、事實上鳥兒也喜歡咁樣，見倒上面果句紅色嗎？吹唔漲架！
食完飯下一站係新娘潭；又係響條路度就見倒一大班迷彩大筒、對住一塊大石上面裝修左舊小石、一位拍友(似主持咁)打開車尾箱囉出一樽香蟲；放出一堆，跟住搵佢畢地將一口水噴上(係咪有分別我唔知、整色整水就肯定既)、冇耐喱隻鶯仔就出現搶食勒、主持口中咒罵主角未出現比小鶯食晒之類廣東粗話，長尾鶯

未幾又另一隻大小小既出梨搶食！紅協藍尾雌性

終於加左幾資貨源之後、佢地講既主角出現大開食界勒！喱隻野又細又黑、主持話影左成日都仲未影倒佢上石現腳趾相、所以一路繼續....到五點我見天都黑埋就拉住舊石離開了！剩番佢地繼續響果庶喂飽果幾隻雀。橙胸姬鶲

我唔係咩正人君子、不過都係會覺得維持自然好 d！你問我一定要喂先影倒我會唔去影！零願自已渣住架機行上山、見倒邊度有咩野就影咩野，咁樣養雀的話、我唔敢話一定壞影響不過總冇好野就係喇！