又講睇戲.......

12/01/2008 01:54 pm公開累積瀏覽 0 0

又梨講下電影啦，會再肯多番 d 入戲院睇戲係因為年前做左電影評審不專業表表姐。不過講真響喱兩年入戲院睇既港產片真係一隻手嫂哂，其實點解對港產片有咁大反感主要係因為差唔多全部片都係以商業角度出發，雖然話拍電影係可以天馬行空任意發揮，但都要講下理由架！

搵班唔知咩係演戲既所謂鴉鐵士，講時下既愛情生活小品，連時下既年青人都唔會認同，點會引得上左年紀，唔認識新一代既消費者入場呢？而想話引果 d 老野入場既戲又梨梨去去都係果幾個有形演員！肥又要形，吸毒又要形，差人或者司機都係要.....
老實講，我入到去睇住果幾個人叫我點代入去相信佢係一個演員呢？唔好話我成日讚星爺，佢就算食野都洽如其份，講到喱度我又要再講一講喱個張偉健同果套咩奪標，真係再明顯不過既一套唔知想點既戲！功夫片搵張偉健，點解？再講，光頭咪光頭囉，點解整個咁既做形？鞋.......

唔好講咁多哪，講番上星期六終於去睇下另外果套話仲好睇過黑社會有個荷李活既：粗口 band 友。
我覺得唔囉梨同黑社會友個何李活比較的話，可以算係一套不俗既戲。尤其是 d 歌好正架，我發覺對 heavy metal 歌梨講，所能接受既 heavy 係會隨年紀減小既。喱套戲裡面所用既歌亦好能令我個頭隨住佢 d 歌迷一齊 up 上 up 落 餐 d 坎落前面張凳度！ 如果唔係 d 歌詞聽唔倒又唔多甲的話我會買番隻 soundtrack 添。

但以戲論戲，笑場唔算多，因為所謂笑場係講主角既之姐行為同烏龍而已！真係可唔可笑係睇你自已可唔可笑！同黑社會裡面既笑場完全不同格調。不果，我知我咁講對唔係星爺迷梨講可以話岩岩相反都唔頂！

講到尾你唔信我的話自已去深入研究下囉。

被蛀：評審不專業表表姐=業餘評審。一隻手嫂哂=一隻手數哂。鴉鐵士=artist。之姐行為=女人形，之姐係以前囉梨形容男人既行為大女性化。