唔洗入馬場都影倒騎師........

02/01/2010 10:59 am公開累積瀏覽 3 12

我講緊騎師叫戴勝、不過佢退左休嚕！今日我去搵既戴勝係一隻鳥、仲要去到貝噢搵，之前睇過書知到喱隻野個樣生得好深層次，長咀有高髻仲喙地既、仲要乞人憎到身高五尺爭寸半而爬草地搵食，搞到我地幾個扮哂海軍陸戰隊咁爬響牛屎堆去射佢、都算對得佢住喇！

上星期冇太陽所以屎東早就約左今日出發試 400 同新腳，而我就順里成張借用佢隻軟腳、琴晚問過導師大份話今日入貝噢最好早 d，就八點九到東涌塞個早餐然後打的入去，我地幾個人加埋條無聊龍都未去過鄉下就話學人落田，終於踩唔倒一腳牛屎但係跌入水坑！全部鞋襪都做貝噢泥漿浴，後來到下午呢個女仕話想夫高 d 連小腿都做埋，所以餐 d 插左響田度做稻草人！ 好彩遇爵個老野未走得切又唔想佢棟響度嚇親雀而救佢上梨。唔講 d 愛美既人啦，講番射雀遊戲，我地到左冇幾耐除左見倒隻白衫翠翠，同響天神村叫早晨，早晨既大咀烏鴉之外見唔倒咩特別..

白衫翠

大咀鴉

原來係喜鵲
悶到咁上下就出番大路搵野食。食完就諗住捐入樹陰下抖抖飯氣，佢地散開哂免得阻風，坐左冇耐導師番梨叫我話收到個樹人 john 哥哥報料，拿拿聲叫我跑個半馬咁遠路程跟住佢左捐右捐咁入左個田，條屎東就唔見人、我地未入到田口就見倒導師開槍、我當然唔執輸喘住氣唔理佢響我前面立即舉槍狂掃，一面掃一面搵應該掃邊個...............................主角正在喙地中、咁我就由導師帶領，再同另外一個唔識既同志做個聯合行動，一二三影完行三步又再影...................

小戴勝

喙地
最近都係咁上下，跟住佢就走去訓晏教、留番我地又試喱埋響樹底影下第樣

灰背鶇

棕背伯勞

唔知咩鵯
又冇幾耐導師又有色奴話料到、隻藍衫屎東拿拿聲走，但條龍又冇跟住佢條路線而自尋短線、終於..................................好彩我走得麼、如估唔係...........
張個稻草人連根拔起之後我都拿拿聲去睇下有咩............

原來都仲係佢！可能訓訓下又餓醒左，今次我地成班要扮海軍陸戰隊，爬哂入牛屎陣去影佢！喱條友其實好為食，到我地走之前都仲見佢番多一次泥，搞到我地成班友兩頭走！仲要響牛堆同牛屎堆中間打遊擊。

喜鵲

戴勝 and its fans. 了哥。牛相唔舖屎哪！

影完拿拿聲坐車去機場....再坐機場巴番屯門，一腳牛屎加泥，廢事出城食飯了。