#$@%%^&

04/01/2009 11:34 am公開累積瀏覽 0 4

唔好意思果 d 乎號唔係對你地發既，即係我想講粗口文化遮。

講粗口理論上係表達自已不滿既情感時所用既工具之一，另一工具就係暴力啦，出動到暴力既時候更加唔小得粗口！你試想想一邊打人一邊講：你唔好咁啦，你錯得好緊要呀，你太傷我心哪，你好乞人憎之類既文言文...... 好唔合適哦呵。我一邊寫一邊覺得好星爺既橋段咁...

講番用粗口既時候應該係咩場合呢，我自已覺得去睇波最適合講粗口！我諗如果你去睇波都唔講粗口就等於你唔投入場波度，又等於你躈埋對手去睇演唱會，你入梨做咩呀？
不過話又可以講番轉頭既，我識有幾個朋友講粗口流利到已經溶入左佢個語言体制裡面，連同佢自已老豆老母講野都冇顧忌，到佢咁樣既級數的話，佢講既粗口已經同卡卡班水母湖既水母一樣；冇哂殺傷力！
我自已會講粗口，不過都係睇波，或者自言自語既時候講， 但當我一遇倒同佢地一齊既時候就唔覺意咁漏哂 d 粗口出梨，好似唔用粗口講野係唔尊重佢地咁，而且我懷疑佢地可能唔明白添！
不過，邊一種場合適合講粗口係好值得制定既！好似前幾日響議會上面講粗口，先不論佢講果句係唔係粗口、響一個公眾議會上面，用詞譴字方面總應該有所尊重、就算果個人岩岩殺你全家，但私人恩怨當不能於公眾時候囉出梨講，更何況佢仲唔係做左果 d 野、你用 d 噤重既語言負之於佢好似唔算合適，更何況你講完仲唔認自已出言不遜添！
你何以為人！？
潮語有云：錯就要認，打就企定！
你何以為人！？
仲要收我地納稅人幾呀萬人工、成日比人趕出場踢唔足九十分鐘？

你何以為人？？？

被蛀：踢唔足九十分鐘=一個正選球員如果踢唔足全場波可以算係唔專業！有用極有限。