G force 誘惑

01/26/2010 04:23 pm公開累積瀏覽 0 0

番左梨香港成十年，除左番過加國時渣過車之外響香港都未有掂過堂、自細都唔係鐘意渣車既性格，更唔會鐘意渣快車，不過讀書時期迷上電單車，響街見倒卡畫就眼睛追趕住去，都曾經諗過考個鐵馬牌........不過我老豆最反對喱樣皮包鐵既行為、所以都聽從佢既恐嚇，冇進一步行動，直至過左台灣生活，冇錢買車又要周維去就梗係整番架鐵馬策騎下啦！開頭都係渣 d 舊野本田一百，四衝程車又舊，冇力之餘仲大黑煙、後來換左架也媽霞 125 爬山車，幾好玩不過重心高冇乜得掟灣............

題外話點解我鐘意渣鐵馬而麻麻地鐘意渣快車呢？我自已覺得渣快車得個推背力係可以令人振奮，我反而鐘意佢入灣同出灣時既 G 力誘惑，喱樣野我響騎鐵馬時就非常咁易感受到、而且入灣推落同出灣拉上果種人車合一既感覺真係非常之過引！
        

      

亦因為咁樣，當台灣開放左同日本合作生產新一代機車之後第一批次既 Kawasaki 125 用上單擔後避振，極速 120 km 之先進形號，好快就比我購入，不過...............

由於設計老網、同不切實際，令到我失事連連...
你地睇到喱度應該會諗，超你條茂利喳就喳喇，懶人地架車！
我有解架；拿喱架車既新設計有單擔避振，單碟剎車(前)仲要前手柄扮賽車咁，要烏低身咁渣，幾形架！之所以我話佢設計老網，係因為架車除左以上幾樣係新設計外，全部都係舊料，副偈、車架、頭叉，差唔多全部都用上舊野、我試過幾次用三隻手指勾住個前剎車，我女友響我後面宗左去我前面！搞到後來我要用一隻中指收車.......
另外講到引至我唔再渣大車既原因係一次週日早上，陽明山開，可能過灣掟得太低、個舊款硬膠腳踏廊倒個地下，一二三四、虎.................派牌！
就咁、架最潮既第一代單擔川崎 125 變成一住鐵！完成左我既世界冠軍夢。 
之後就只有用上無敵小戰羊 50cc 代步！

結尾喇！如果唔係太長了，不過，始終都未渣過大車既我，都可以描述下渣電單車既樂趣響邊既；就係去到直路尾連拖三個波；孔、孔、孔推架車入灣，對抗住重力既 G Force、一邊望住個出灣口等待全力扭油既一刻，個地下 d 瀝青味攻入你鼻窿再加上小小輪經熱磨察出梨既橡膠味...........................................
曾經同保玲講過，鐵騎士平時行路時個頭都有特別姿勢架.....................佢認同！