真係番鄉下呀.......

12/11/2009 11:28 am公開累積瀏覽 0 0

我鄉下起邊？字面上講同我而家住既地方有 d 關連、我而家住臀門！嚦稱屁股，我真正鄉下以前話新會既江門，後來獨立行政，自成一市。
細個時成日跟住呀爺行走江湖，佢去邊我有假期都會跟實去，所以兄妹之間得我係成日番鄉下的。兩個呀哥好早下山搵食唔去唔奇、我呀妹一有假期就跟我呀媽去娘家果便，唔多會想話番鄉下既。
講真果 d 年代邊有女仕會喜歡鄉村生活呀！個次所諗起都噢咀，更何況有蚊冇懶氣，爵名牌冇人讚美，其實我都明既，我那渣慣日日同 d 表弟跳落條沖度玩得不亦樂乎，一切無礙！
鄉村生活得個玩字、食得好就冇幾可勒，飽都仲冇問題！還記起夜晚食完飯梗有碗麥米糖粥等住你、因為個煮完飯既爐冇咁快熄無理由哂左佢既。
食完飯坐得咁上下就走去第條村同姨媽姑爹打牙教，如果我老豆都有番的話就梗係又叫表哥帶去唔知邊度食野味之類、我就梗跟出跟入，出到塊田度見倒果個景像：
試諗下你用魚眼鏡影出去成個景一百八拾度，即係由你左面地平線到右面地平線，眼目所及全部都係星！ 我係詩人的話就一定有入選唐詩三百首既作品哪！
不過，果時既內地生活都仲係清苦既！d 米仲有好多穀糠，粒雲吞得肥高同黑包表、排骨一係骨一係高、總總林林、不過講番轉頭我從來冇嚴氣過，只係食與唔食既選擇遮！而且細路哥邊識食呀，成日比老豆笑茂利，雞胸都好食既？d 肉鞋烚烚.........
後來離港搵食之後再番去已經相格易實幾個大暑，雖然早知也年今日此門中，人面印花相影紅，樓面路叉何處去？淨番高樓名店叢..................
同我入到原朗村屋睇樓既環境同一個模樣、只不過；冇哂爛村屋，嗅水沖，魚溏公廁，更何況果 d 不閃也罷既滿天星！？(好彩就梨會去 liveaboard ，應該會有得睇哪！！！)

最後；值得一提既係................我鄉下個地址好值得一講架！
江門外海直沖鄉向群西三巷十二號！
呀唔記得講點解突然寫段番鄉下既糪添；事源琴晚玩完 d 臣六百之後出到門口突然聽倒兩個少年既對話：喂你邊度鄉下架？係咪上海人呀？...................
令我覺得出奇既係因為香港人讀書時雖然要寫邊度直貫，不過唔好話個後生呀、就連佢地父母都未必番過鄉下，咁鄉下對佢地梨講唔係應該同上中史堂一樣咩？所以有此一感。