用睇定用讀既呢？之一

07/13/2009 12:58 pm公開累積瀏覽 0 7

我講既係書，以前大部份書都冇公仔，所以要用讀、其實響度都仲有引起非議既講法，讀要出聲先叫讀；睇無論你字書定公仔書都叫睇！
無所謂啦，好睇既就算淨係字都要張佢每個字都諗清楚先轉落下一個字或句，近年來有好多人寫書都呃錢到不得了，形容詞、副詞、扮動詞多到唔恨，睇完三四行都仲係形容緊佢想緊，都仲未動緊！寫足成編都仲係未講倒乜野，同我一樣！
係架！寫野有時真係好累事架，多句廢話就變哂質.........
讀書既時候想我打開本書都要用槍指住仲要入哂子彈先望住本書盡力嘜大對眼，唔知點解大個左離開左學術界之後，鐘意左睇書喎，食親飯都要扮關弓，一手立鬚，一手春秋！當然唔係睇春秋啦........
又講番舊屎；讀完書入社會大學，大樹枝既係龍虎門(小流)，或者古窿！大家都可能會奇怪點解唔係金庸先呢？實情係咁既；
想睇金庸第一難租倒！同同學借都難 d 因為佢地都未必買得起金學，古龍果 d 平好多，而且果時唔知點解楚原拍古龍先個喎，我學國語都係趁流星蝴蝶劍學架！
到收到人工之後先買左金學番梨慢慢嘆，其實講到金庸，佢 d 書有個難普及既怪處係我個人覺得既；大部份既，其實差唔多全部都係，開頭果幾章好難入腦，可以講係沉悶添。就講我既最愛；笑傲、開頭講褔洲林家果段真係成日想調左本書去，直到大師兄出現先唔食飯係咁鋤，鋤到番華山都成四點又未食飯，偷偷地入除房食埋 d 冷飯菜汁至屎去訓！老實講呀，好彩佢講到兒女私情咋，如果唔係餓屎左添呀！
金庸比我既感覺真係似魚眼鏡；雖然有點變形，不過讓我眼界大開、諗起無招勝有招就會心微笑，所以話笑傲響我心目中係無可代替既！
古龍果 d 傅紅雪都係歪鏡梨架！每次都響度等侍果野刀光一閃、刀已入鞘....
倪匡都有 d 神來之筆架；無名髮，大，另外有一本講一樣野你望住同唔望既時候係唔一樣既唔知名既書都幾好睇。
其它既作家就冇乜印象嚕，話時話我都睇過深雪架，一兩本都頂得順既。

被蛀：大樹枝=日文得喜歡。