一個男人的袋.......有

07/22/2009 03:14 pm公開累積瀏覽 0 24

又係一個好難聽既題目！但係其實好無聊既一段糪。
男人好多都喜歡瀟洒，就咁隻身行出街，至多手機，銀包塞哂響後袋(又澤唔爛個手機喎，好野！)、其它最多手錶介指手繩，好小話咩個袋咁漏瓿。
但相對又有好多唔止咩個大袋，仲好似裡面有個十五寸電視咁巨形，真係好有好奇想知佢夠景收埋左 d 咩野。
我寫喱段糪，就梗係講我個袋有 d 乜啦，事關我都冇問過人地個袋裝乜，點講遮！
在我梨講；除左響公司晏晝出街食飯，唔想帶住咁大個袋，但都要帶住銀包手電鎖匙同.........眼鏡！平時最小都有個小小腰包，好唔鐘意住個電話響手上。
我個袋有：最正常既；銀包、八達通、鎖匙、手電、眼鏡.......喱幾樣最正常既野，應該唔洗帶個大袋啦。不過我又比平常果 d 瀟洒男多左 d d 煩鎖；一支一公升既水、一本書、面紙一包，仲有耳筒都兩條，原裝果條係有雖要講電話時先用，平時用好聲果條聽歌。
奇怪 d 既有宿骨人定有既；宿骨遮一把、usb 4激手指一隻、筆兩支，
講個小故事點解要兩支：有次番內地時唔知典解唔記得帶筆，過關要填健康紙、香港果邊有條繩縛住筆，排一排隊就有得用！但由內地回港時，你只見有條繩！或者係繩縛住一個筆頭，一條筆乾、總之係唔寫得野既筆、想等人借筆可能要出賣我既肉体............ 都唔得。算好彩有對上左年紀既夫婦唔多識填問左我一句，填完之後個呀姨(呀叔當然走左)專登借我筆比我填。自此之後果次去台灣唔小心張支筆放左響寄倉度，搞到我要專登去買支新既，所以而家出親街都帶兩支筆！
amway 潤唇高一支(起碼都有十年，因為係響多倫多帶番梨既。)指甲鉗一個(我好怕手指甲位生倒剌，會立即鏟除)、打火機一支....。 喱堆野連筆響埋一個細袋度再加一支按腳既錐、果時學腳底按摩時買既，但係未用過！
不過，最後最怪既喱樣野我諗好多男人連見都未必見過；係一支 tide 既清潔筆。

有次我好朋友響多倫多番梨我地食食下飯佢突然囉樣咁野出梨話好正！當我地食食下野整污蹧左 d 衫褲，可以立即囉佢梨搽幾野，連洗都唔洗洗呀！自此，喱樣野就一定響我個大袋度，不過最近覺得可能到期了因為乾左大半而且變得又酸又嗅！

被蛀：澤唔爛=壓不破。漏瓿=俗語漏漏瓿瓿，行動唔利落。夠景=究竟。煩鎖=煩瑣。