世紀大事件

04/09/2010 03:24 pm公開累積瀏覽 0 0

易零一零算係喱幾呀年梨最嚴重既一年、話嚴重既原因係我、大哥、二哥同父母全部一齊出現既情形第一次發生！我大哥住加洲同父母一齊，二哥住上海而我由多龍多番左梨十年、妹就一直都住響香港，父母每格幾年會番梨一次，而二哥就有時間都會落梨一兩個星期，要見面都唔算難，最難既係我大哥去左美國十九年家下仔女都成二十歲都未番過梨，今次因為我地伍家既唯一女將大喜，所以全家齊集香港，雖然大哥回來只得十天，不過都可以從中用上一天，帶埋伍氏既下一代(大哥的兒子)回鄉祭祖。
甲甲埋埋兩哥兩嫂妹及夫，父母及伍氏下一代連我共十人成團，坐住直航船直上江門......
原來經過幾十年，以前我地既籍貫係廣東新會，變成家下廣東江門、新會都已經納入到江門市裡面，雖然話鄉下地方唔會點變化，不過始終都進化到大路多過細路，汽車密過單車哪！上到船坐上碼頭接送大巴，根本都唔知應該響邊度落車，好彩我個老豆都仲記得地方，叫住個司知話落車，而又好彩果度係內地、大架既車都可以為所欲為既、就咁一家大細撲落車，一路由老豆帶路一路兩頭目及，喱度咪邊度，果度咪以前係咩咁、番到家鄉見倒我地八呀幾歲既姑媽、哈哈，嘻嘻，啦呀、你咦.....咁罨一輪相認跟住去食飯..................................
冇幾耐連 d 表哥表弟表姊妹全部到場總共開左四維！唔講大家都唔會覺出奇因為鄉下人早熟早結婚，早抖早色燈、訓唔爵...又或者根本唔係訓唔爵而係眼訓都唔訓，去做傳宗接代既工作，所以就我眼見十餘年前番梨見倒既表弟之子，已經拖住個小學生樣子既女仔，而個女仔又手抱住個大喊十.........他媽的仲一直響庶問應該叫表叔定表伯呀？我呀媽就制止佢地再去研究輩份，雖然頭髮白哂都唔鐘意人地叫佢八婆....伯婆加馬！
到第二日上山拜拜之際，又係另外一班表囉喔、因為姑媽果便既表就要拜自已老豆，老豆果邊得番 d 堂兄弟，雖然都成廿人，不過講得唔好聽全部都係廣告名星！賣瘦身廣告既。咁即係仙風道骨喇(因為都係種田養魚為生)，而且完全係一班訓練有素既飛虎隊，一句話都冇多講就張個被爛葉躝騰包圍住哂既山頭清理乾淨、仲大部份係女子。D 男子就企埋一邊，食煙飲酒談笑，指揮打情罵俏.........
咁我都係男子呢；冇理由破壞秩序既。
拜完跟住就番屋企聚天倫啦，食下午茶喇、去邊個表妹家睇裝修喇、嘩，做個咩發電站既車輛管理組長，間樓門口有個深二米既魚池，幾十條尺幾兩尺既錦鯉，大聽飲茶果張大檯係一棵千年大樹既橫切面.......................................仲話世界得幾塊之類.......

anyway，好高興再回鄉，見番 d 表弟妹雖然都已經幾呀歲但還記得少年時既笑臉！不過最唔習慣就係果 d 人地老母，全部都好似旺角模咁上下年紀但又手瓜起哂展！帶住幾個細路四維閃！