細個鐘意玩......

01/14/2009 03:22 pm公開累積瀏覽 04

幾呀年前既生活十分簡單，電視台都得兩個。放左學住得遠，番到屋企都食得飯嚕。食完飯成屋人至多都係睇兩個鐘電視就收台訓教哪，想話講下有咩玩，有咩活動唔洗諗都知。再講，据我還記得有活動梨講因為兩個哥好早出左社會大學番工，得番個妹同佢 d 鄰居(即係我 d 鄰居啦，不過都係女仔多)玩下女仔玩意，跳醒， 都好似冇乜第樣了。所有活動全部根據響學校課堂上發生，而以前既學校亦唔會好似而家咁多原化，得踢波，藍球，再梨就羽毛球咁多多。

我由細到大都係鐘意踢波，打過藍球但完全投入唔倒因為打藍球都係希望學我二哥一樣咁高，點知打既時候丁點都唔伸長，令我失望之餘放棄左喱樣活動後，不知不覺間變左望倒好多人頭頂個轉...........

我鐘意踢波踢咩位置都有，個人喜歡打後衛因為我扭波唔掂，就算打前鋒時都係一囉倒波就射或者用我突咄既頭除，唔鐘意打中場因為成日比人踢腳爭！當然，係人都知高人打龍門最岩，亦冇錯我打龍門也很了得(我覺得)因為我幾夠膽飛撲，做龍門唔錫身動作反應都會快 d ！有夠老既球迷都應該聽過朱柏和！我偶像，知佢叫咩英文名嗎？

尤記得差 d 入左足球圈，就梨讀完中學之前去參加愉園選新人，果日落哂雨到處

水乙水，我同學坐左響當時教練梁子明格尼，有一球波回傳，我冇痞低單腳接而個波就響我兩腳間漏入成為果場唯一入球！ 結果就梗係冇選倒啦，完結左我既球星夢。後來完場果時我同學同我講：當時梁子明同個副練講如果佢接倒喱個波就選佢！即係話佢一睇當時既情形就知大部份龍門都會犯既錯誤如果我沒有犯的話應該可以有咁既資甲入足球圈！

扯！我至唔恨呀！香港既所謂足球圈都係少爺兵，好食懶飛..........(唔係你想我講咩呀？)

下次講下點樣學游水.....................

講下題外話，點解開個殞石傍的天際既分類，大家都聽過喱隻歌由亞倫唱，林敏聰填詞，一向都唔留意歌詞意思既我前陣子聽倒黎比得響電台講喱句歌詞既來由覺得幾好笑所以用左佢梨寫回憶錄。

被蛀：突咄＝特出。殞石徬的天際= once upon a time.