求先見倒佢地響大花網放 d 怪歌，忽然諗起以前既口技之王；陳良忠.....
果時佢唔淨止做趣劇，仲有棟督笑、基本上仲先過許氏兄弟：點到你唔服？點解我要服？....
陳良忠好野既地方基本上可以算係廣東話既相聲！唔知到大家有冇聽過中國既相聲；即係廣東人話既唱簧、可以稱為國粹既一種，如果識聽國語或都對佢地果種生活環境有印象，時常會聽倒一些好好笑既片段！以前有個台灣娛樂人都試過寫相聲，亦都十分好娛樂性！講到陳良忠就有小小唔同，同期既拍擋唔夠，所以佢多數都係一個人出場，好唔好笑就比較少印象，不過我都仲記得佢鐘意扮一個上海婆，講埋 d 唔咸唔啖廣東話，做埋哂好似七十二家房客果類既喜劇、加上扮車扮船扮雀鳥虎猴，十分之吃得開。
當然，如果仲健在佢都好近六叔既層次喇！
我突然記喜佢係因為記起下面兩句：
聽屈撈痞挑卡蝎殊.....
溫滴火灰禽地貓屎！
佢係當其時代既火星人梨架！
誤奸哦樹呀衫姑，哦畢過撚撚架咋......
睇梨大部份人睇唔明我寫乜之後都會放棄追究所以我都係解釋埋上面幾句：
聽屈撈痞挑卡蝎殊係一句英語：ten word road mouth, two car kiss...咁大家都應該明白佢咩意思喇。
溫滴火灰禽地貓屎都係英語：wonderful！come the mouse。
最後果句唔係英語！事源陳生扮一個包租婆發覺佢架公共收音機唔知點解壞左， 大興問罪之師之後，住響尾房既李生(台山佬)就話；
唔關我事架三姑！我不過擰擰架咋。唔知佢點擰鬼壞左架收音機.....
沒有留言:
張貼留言