睇漫畫

04/07/2009 01:03 pm公開累積瀏覽 0 12

(小林誠=柔道部物語)
雖然細個興龍虎門時代都有追過下，不過可能因為岩岩最瘋魔既時候；即係中華英雄時代自已過左台灣住，所以我都唔算得好有資格同人地講幾受影響。到後來番香港想話追番轉頭既時候，都已經過晒氣唔再興中華英雄改而追風雲哪！
不過我想講既笨唔係香港既漫畫，而係日本漫畫！

(田中政志=岡)
我諗講到漫畫，全世界日本認第一冇人會話錯。講到種類，題才，真係天馬行空，由科幻，愛情，飲食，警匪，捉棋，約魚，到色情，連教點做雞既都可以畫出幾呀集！唔好介意我粗俗，其實佢地日本人真係咩都可以講到大條道理。一定要用喱個公仔，吹漲！
我較有印象既，幽由白書，蔣太的壽司，七金鋼之類，追個不亦樂乎，當然，係響自已讀完書做緊野時先有咁多錢去租梨睇！而且果時住響台灣夜晚根本所在無事，d 電視難睇到慘不忍睇。唔係睇漫畫就打乒乓波，有個時期打到好似高禮澤、李靜果 d 級數咁滯....
其實當其時睇既漫畫都有分兩種，一種係睇畫功，一種係睇故事。即如蔣太、七金鋼果 d 係追故事，睇池上潦一、桂正和果 d 係睇畫功。到近來更是百花齊放，小林誠果 d 又好笑又得意，宏兼憲史果 d 又政治又商場。一色真人又有講鬼又講藝妓又女子摔角....
更加有最近既神之水滴，簡直係教你品酒同紅酒學，想話睇快 d 跳幾個字都唔得。
正如我成日都話自已唔識食，不過唔知係響漫畫處睇倒定睇日劇學番梨，好似果 d 美味關係，咩果子店....睇完就算唔識食都會學倒佢細細啖咁飲洋蔥湯，慢慢啃碟蛋包飯。餐 d 就張架車好似頭文字 d 咁行一條擋唔住既線道落山！
總的梨講，睇漫畫同睇書一樣，其實可以學倒唔少野，當然唔係叫你睇梨睇去都係英雄，古或仔之類亂罨廢畫啦！