我唔肯定應該放響亂罨區定水底區、因為成日聽潛水人話去邊度想睇咩，去邊度睇唔倒咩、就我自已梨講，就算話去峇里想睇模拿，去刨絲瓜想睇長尾鯊，都冇話噢、睇唔倒好失望......
學左潛水之後，開頭好驚同大師兄既腳法一樣；哪手唔成勢、根本冇要求見倒咩先算成功、慢慢學倒放鬆，自然左之後就跟住學影埋水底相，都冇話想見咩，叫 DM 去搵梨影，多數見倒咩靚既就影、隨非好無聊既潛點，唔係的話多數都唔會有咩失望既感受。
我自已覺得個海咁大，你潛落去果幾拾分鐘所見所聞有得幾大機會從心所欲想乜見乜呀！？如果成日都帶住好大希望祈望落去，得到失望既結果比率十分之非常高、所以近年來幾次外潛都唔再搜集資料咩咩西睇咩，咩咩西搵咩之類，一於去到，叫 DM 做主話事、想收多 d 貼士你就出盡法寶令我 d 畢地笑住上水就得勒，我見佢地響水底忙亦即是我都好忙的。
其實講話潛水員想響水底得到乜野既心態同做人都好不約而同既我覺得、你見倒想睇既鯨鯊響水底展示佢既自然生態，無非都只係睇過、影過就算架啦，唔通你想養番條響你個私人魚缸咩？到時你又唔一定會睇啦，因為係你私家既就唔再難搵倒啦！相同情形用幾千萬買間無力海景既樓，除左開頭果幾個禮拜會望住果個景之外其餘都應該一係望電視一係望新男女朋友架啦、再唔係望住個手電都唔會得閒再去睇果個郁都唔郁既海啦。
講到尾，每個人既喜好都隨住時間分秒改變、有祈望，有希望係好事；不過唔好咁強硬咁話一定要之類講法，失望既心態好多時都幾難接受架！
香港人又對抵同蝕既計算做得好精密，精密到令人司葛塞條..................................
沒有留言:
張貼留言