三探安尼留之歷史篇

10/10/2009 09:17 am公開累積瀏覽 0 0

連續三年都出潛安尼留，係因為佢平，正，靚！住食平、服務正，水底靚！

四月幾岩岩去完食歪也就收到大份夫人來電話菲航機票平有冇興趣玩番幾日安尼留？冇諗幾耐就參加埋一份，因為太貴唔得基於已經落定左農歷年潛司米爛、如果唔去安尼留又好似成年先潛一次好痕...................跳！

原來用網上買機票要帶埋果張信用咭去 verify 先可以完成過喎，搞到易零勾哂頭以為冇囉果張咭出梨，仲要打去 card center 問先知佢渣住響手果張就係.......
大家出盡努力張重量減到最後好彩都係過兩三畸之內.................直飛馬尼拉！
關於颱風果方面問題唔再多講喇，總之唔夠盡興啦，雖然；都潛左咁多個，還算大幸囉！
岩岩比水浸搞爛左既馬尼拉表面上冇乜唔同，除左多左好多水窞.....係去到安尼留附近山邊先見倒好多落石同泥堆，天災嘛、冇辨法。
當晚同我地 DM Abet 講行程，已經知到天日後日係颱風到訪既大喜日子、我地既行程只可以用見步行步梨形容咯！
好彩 resort 唔滿，原本預比我地既 三人房10A個懶氣唔懶，要比我地轉去 6A四人房，係就係懶氣懶 d 防奸大 d，不過又要行多一層樓.............