泰國雜感

03/02/2010 10:04 am公開累積瀏覽 0 0

一向對泰國都有個好既印象、唔知關唔關佛教國家事。但係前後去泰國都係四次上下，第一次零二定零三去曼谷、人民比較多笑容但市面比較雜。商場幾靚但唔夠時間行！

再去時已是海潚衝擦後既布吉、雖然已是一年幾之後去，好多地方都仲未修復，但人民笑容依舊、本來諗住約小平地去潛番日不過全滿了，所以只有陸上游。

三到泰國當然就係零七年既潛水團司米蘭，果次比我既印象可能由於時間同行程設施既簡陋，基本只屬中等滿意既感覺、潛船較細，人太多，設備基本，更加因為對司米蘭既資料準備不足，引至頭三日係潛悶出鳥來潛點，到最後一日遇倒大量文他先笑容回歸臉上。

今次再潛司米蘭原因不再講勒，寫番小小感想先、首先，今次因為夠哂時間同準備，完全可以用 HEA 梨做寫照，第一日我係多時間到成個下午企響酒店前打雀同睇住鹽蛇受害表演既。不過發覺今次遇倒既泰國人笑容減少了很多！我用很多梨形容係因為有笑容既泰人少左很多。我唔覺得係因為宗教或者生計影響到佢地，自已諗可能會係因為政治動蕩呱？不過喱 d 都唔係我地喱種遊客去研究既。
講到重點勒：潛水船，Pawara。佢地形容係實華號、我讚同！船快，靜，乾淨。食就小左 d、房梨講對佢地大部份團員都唔會有怨言但我當然會有啦，間房唔夠高我唔怪、但次所設計真的具挑戰性！！！想知詳情既請 pm 我。
工作人員先講船上工作既十分之實際，居然同大花爵 fins 喱招我諗連印尼都未必有。至於其它各樣囉野接野當然無話可說！
至於 dm 梨講呢、我地果組因為投得泰籍人員，我自已覺得就十分之好、佢地其它組全部都係外籍年青人員待候、我就覺得麻麻地、tommy(畫得一手好公仔既)多數見佢自已影緊相、或者做 safty stop。美女 steffy 就無厘頭咁淨帶兩個新人浮梨浮去、夜潛果鑊仲十分呢 Hea。至於呀 bred 應該係做得幾唔錯既、因為佢都算係隊長咁滯。至於 rick 就係費爵爺咁，帶班大司出潛、又比班大司帶番轉頭！
anyway, 泰國雜感冇理由淨講潛水架！？
布吉繁榮回歸；更加上七爺既打通天地線，令我地一眾大花門安心響受，響喱度多多謝謝！當然佢未必會睇倒，不過唔關我事。

最後；我今次唔敢講會唔會再潛司米蘭、事關講潛的話當然會想再來，但講到仲有咁多地方未去過，咁多地方想再去喱方面既問題，實在無辨法話想！或者未輪到.....