仲係星期五......

06/12/2009 10:40 am公開累積瀏覽 0 2

..........見倒個錶都仲係四點幾，係時候食番碗牛肉湯麵嚕，橫掂問過去 enzo 搭的士會方便 d 所以先食完麵先再講，兩年冇梨家下發覺一碗麵要成六十蚊哪，貴左成十蚊喎.......
的士唔洗二十分鐘就停左響 enzo 門口，見倒老細瘦猛猛咁，話要定個 nx 大慨要十日！ 本來以為就算我等唔切朋友會響十三號番香港都可以同我帶倒，點知佢話要十日咁即係要十五號..... 再  ........
但係佢有個 nx fisheye 響庶喎，不過賣價同香港差唔多，咁我就冇睇啦、原本都冇諗過話買果個魚眼糪，一來又大 d，又重 d、仲貴成千蚊。亦都唔知佢既好處在何方，據瘦老闆話淨係影 over/under 好之外其它都冇差喎..........(有後話架！)
咁冇野買就響果庶睇下有個客買左個 nexus 5dmkII 新野響庶試機，見倒佢續樣買下，續樣又買下、樣樣都係我成 set 既價錢.....
跟住老細同我講如果要買倒兩個的話佢可以包郵費寄梨香港，咁我就話要問下再覆佢然後番番東區等朋友放工食飯囉........
冇見兩年既東區好似冇乜野唔同、不過唔知係咪因為梨之前幾個禮拜天氣都唔好而今日大大放晴，成條街到處都係比超短既小褲褲同小裙裙裝篩到長長的肉腿，響喱個時候我真係有 d 不知所錯，帶眼鏡的話近既睇倒遠既唔清楚、唔帶就一行近 d 得番兩條白色光管.....做男忍都幾痛苦；有得睇又嚴，冇得睇又想睇......算把啦，我望番東區景色扮下和尚吧！

明天..............
等陣再寫。

被蛀：冇差=冇分別。不知所錯=不知所措。