打雀雖要咩技巧？

05/08/2009 06:20 pm公開累積瀏覽 21 2

話說畢地大份番薯近來唔潛反而好鐘意影雀，買左新玩具 D300 加上定蕉三伯，再乖上 1.4，出品好得人鐘意、不過佢有樣野我唔太欣賞就係成日響架機既技術層面上面搞梨搞去、好浪費時間！
此話怎講呢？即係佢成日張架機既 ISO、光圈快門同加減光較梨較去，忽略左影一張相最基本既野就係用最簡單既方法影；
愚見係.........
當你可以用最好既光圈，即係中間既例如 9-11 之間，快門如果用到三百焦距就梗係要有 350-500 份一秒啦！唔夠光我都盡量以別搞個 ISO 情形下影，因為一搞個 ISO 過左 400 之後，影倒都冇左個成像，即係咁：

喱張用高左 ISO 影，個成像放大之後矇矇地、但最近買左支有防手振既 28-300 VC 之後，有比較大既快門範圍比我用，好似喱張：

都叫做見倒面容。響我果日影喱隻雀既成品：

算做幾 ok 既成像，佢開頭都仲係用緊 800 梨影，後來開始試用細 d 既 ISO 、再睇倒成像好似更好之後至改用 200 梨影、我見倒佢影左大慨相同既影像應該更清楚既，不過到後來既出品又覺得好似光左少少。唔知係佢個做相 software 唔同定佢鐘意光 d，不過佢自已都肯定左高低 ISO 既分別同成像既影響。
所以我自已覺得響影相既玩法裡面，保持住越簡單越好，另一例子就係佢架 D300 有 51 區對焦，佢鐘意張架相機用腳架定住，然後用手動去選擇果 51 點梨進行對焦，我覺得有點本末倒置，一隻好的腳架最緊要既就係比你響水平同陲直之間是旦一邊有個穩定既動作，讓你可以進行對目標既對焦或構圖，如果你張佢鎖定左響一個位置然後用所謂多點對焦拍照，比我感覺就好比爵住哂防曝裝備去踢波咁；點做倒司朗既過人動作呢？
不過；我講我既，你做你喜歡既！各師各法，各馬各策、同埋師父都可以唔同玩法！咁先叫做百花齊放架。

被蛀：防曝=防暴隊。司朗=司朗拿度。