電影、反影！

02/25/2011 03:23 pm公開累積瀏覽 0 0

睇電影好多時可以反影當地既文化特性、民族面貌，不過當然唔係嘔然睇一咄會感受倒喇，而且好多時你睇倒既外國片都會係娛樂性高，合適全人類觀看既，真正能夠了解倒深入 d 文化既戲，就只有響電影節之中找尋了！

講外國電影，美國戲唔雖要講哪、乜都有，就只係小左有文化既電影！我所講既有文化，應該好似歐洲電影大部份都唔係著眼於娛樂之框框內，能夠反影倒當地國民既生活環境同心情、先算得上國粹，先稱得上特性。

以前好鐘意睇日本電影，可惜既係近年來新一代既日本導演受到外國文化衝激後、流失晒本土文化同眼光，拍極都係得兩個字；平庸！

歐洲電影須然話夠特性，有風格！不過通常都流於自娛，係導演既自娛、完全唔理觀者感受、講明白 d 即係冇解既！鐘意點開場就點開場，你可能唔知佢點樣完場就爵晒燈比人趕走了！ 扮高深既我，都唔能夠幫佢地自圓其說！

近年做左電影評級既特派員；喱個名幾唔錯架！睇多左好多連電影節都唔睇既冷門國家電影、如土耳奇，以色列，印度，巴西.....講開印度戲好多人都知通常都係歌舞片、不過其實如估你有心機睇，係真係觀察倒喱個文明古國既國民有十分風趣既特性的。

最後講講我近年最多睇既外國電影；韓國電影，我唔鐘意睇韓國電視劇(不過我好鐘意睇日本電視劇喎)，但好鐘意睇韓國電影個喎！三言兩語解剖下係因為韓國電影既題材真係乜都有、但唔會係普通既！幾咁希奇古怪既諗法佢地都可以諗到，不過通常又係偏向於黑暗果面，喱方面同日本唔同，日本仔係變態，不過唔會有咁黑暗既心態囉梨拍戲既，又或者比較少囉！

講韓戲代表作如 old boy、親愛的金子，我的野蠻女友.........仲有、有人話我做男煮葛既果套飛天舞！ 殺手公司.....

我自已其實都唔識點解構韓國既電影，話好鐘意，不過又好憎佢黑暗得深擴神移！但又鐘意佢既天馬行空；就琴晚睇左套戲講兩公婆因為老婆外遇要同老公分居，響屋企執野既最後一日兩人發生既感情交手；個老公太好人令到個老婆都唔知點咁！套戲最後一句對白係個女主角對住隻走左入佢地屋企既流浪貓話；its OK!.....

成套戲一百另四分鐘我到淨番五分鐘戲完場都仲未敢比個 I 級、點知佢會唔會最後來場 III 級對手場景完架？喱個情形就係我對韓戲既心態，永遠唔敢肯定，知到導演既取向同計劃，睇到你都不知如何是好！