突然之間知到重陽有假放，所以請埋星期一，變成三天半假期，捉住個拍鳥大司大份去中大影番兩三日！喱個中大唔係香港果間、係中山大學！廣洲。
一行三人、大份夫人近來都養出興趣、用上大份之前用開既利器 D7000 加上 300 4/f 定焦，成像好多時靚過大司中既大司作品，食過午飯由羅湖動車到廣洲先係六點鐘倒，因為期近廣交會，所有正常既酒店旅店旅館賓館，有錢都未必有得住！我地搵到大學區中既劏房地步、兩張大床一個晚上只收一百！不過趁住旺期，都係咁椅加二十話係冷氣費喎....喱度門先經典呀！大鐵一塊開個窿、開左鎖住既窿申手人去打開個橫摔.....
食完飯、睇住英超、一百蚊個房有英超直播(斬斬下既電視)，仲唔訓？大司心思思話不如就行入去中大搵貓頭鷹喎.....十二點幾你以為好陰深好驚喇，點知原來都仲人來人往！兜兜轉轉行左個鐘搵唔倒，大司好喪氣話冇理由架、次次都忙個喎；唔通今次中大會破例乜都冇？屎屎地氣去訓...
第二朝唔洗早起、施施然九點幾行入去中大、內地 d 大學生比我既感覺同十三四歲冇分別！邊忽似大學......大份帶住我地週遊列國左一陣，走入草堆中一間故居度比蚊咬.....收獲甚窿呀！得幾隻街坊鳥....
烏鶇
豬屎咋
相思
佢就一路搵一路打電話問功課、大部份師兄都話廣洲人多鳥小，喱兩個禮拜乜都冇，就問我地去唔去南昆山因為聽聞果度有個位好掂，車程兩個鐘、去到住一晚都唔係好大洗，咁大份就梗話好喇、約埋佢 d 廣洲鳥網師兄晏晝話帶我地去麓湖影下小翠先、天日先出發！
可惜湖大鳥兒小、我仲要行錯左入人地花槽先影倒張近小小既，比人鬧番出梨之後流離朗蕩....
到差唔多落太陽果陣小鳥先肯停正湖中心準備插水、不過我踎響度
等左成五個字佢都未郁、一收番晒野時佢先開動、眼見佢定翼插水時我架機定住響膊頭度.....即係嚦時軚啦！
收機之餘、一車師兄岩岩響南昆山回歸，梨到迎接大份同佢報告下收獲....即刻令大份師兄兩眼放光.....嘩聲四起，咩大剪尾、細水鴝，白腹機....仲話有咩咬鵑只響台灣見過如何如何，唔止引起佢一個人興趣、仲周維叫人請假去玩嚕.......一宿就無話；六點半，星期一、出發兩個鐘頭路程既南昆山！
由於得一大一小營幕，我同大份夫妻先到水霸開個齋先、廣洲師兄去搵咬鵑......
不過水霸位置太開揚、見倒影倒都溶晒、倒不如影下蜻蜓......
影左兩個鐘岩岩想話收營食飯之際突然水聲隆隆.....水霸擠湜、好彩爵左哥踢屎仲走得切....
約番齊人準備搵今晚住宿飯店、去到前輩提點既一座 motel 樣既酒店，發現就後面房間二樓就對正樹林及小溪、即刻落硾囉正果兩間房做大本營，食完個飯就搭番個場景"請"主角上陣....
搞下搞下天又黑晒、天一黑時空轉移就特別快！
晨早六點捐入營內等主角駕到.....因為琴晚已經準備晒酬金既關係、主角好快就出鏡
小灰背剪尾先上陣、影左一陣去第二組開工、我地就地開聊傾偈、講講下我見有隻大隻小小黑媽媽既行近、就話比大家聽喱隻好似唔同喎......點不知原來佢識聽火星文知到我坐鎮拿拿聲走左.....整理國際丫等我比人鬧話趕走左隻白額剪尾....
我趁機上去房囉野食發洩同剛剛唔記得囉既快門線......
之後剩番水鴝兩公婆(好似唔止一個老公....)同最佳女主角
跟住又係時間食晏喇、食完就開始樓上既作業，可惜今日唔及琴日成群成群既雀浪經過、得為主場既腹機鶲
同埋遠路而來既兩隻大山雀出浴
好！又係時間收拾因為兩個鐘車程後番到廣洲東站仲要兩個鐘先番到深圳嫁！
總 ( ) 來說、幾百蚊玩個長周末又山又水算係十分之有趣！最無趣係我支鏡囉，咁無趣既鏡響回程途中不停咁口罨罨....都話唔得喇，我唔係要梨打雀嫁、你咁做辛苦我又令你不滿何必呢？去買支炮喇.....何必呢......買喇買喇.......其實我最不滿既係佢每次打完雀都叫我買喇買喇！！！
沒有留言:
張貼留言