奧運上、強國有選手破紀錄、雖然係我都覺得太利害、但係冇証據、冇破站既情形下你都只能夠承認佢係突飛猛進咋喎、輸左話人食藥咁舊既講法整乜又用番呀？再講我火星人覺得果 d 每年都進步既選手有邊個唔用藥幫拖丫、你果 d 驗唔出遮、又唔見有人話你進補？怪！
有強國選手打波出術、專登輸波揀弱組比賽，老實講差唔多一講到比賽、d 外國人就發明左好多理論打法去贏取冠軍嫁喇、唔講金錢利益果類情形添，放水失分咩手段都層出不窮，窮既係輸得太醜比人睇到眼淵。今次就正正係出現咁既情況；強國黃牌同航國黃牌半準決賽對碰，互相出現連我都打唔出既開波落網、除手亂揮情況，我真係懷疑果幾位職業球員當時諗緊乜野？明顯到連唔識睇波既都會話：玩野牙！？
我想問；咁都做得出！？第日點見人呀？更奇既係強國國民教育差，咁做都可以賴呀頭要求、冇得選擇云云梨解釋丫！航國自由大國、尊嚴第一既形像居然出現兩對選手都玩野牙？如果你話因為對手玩你唔順就鬥玩咁你就真係輸左喎、因為你贏左第一名出線囉、怪！
最後想再講講航國喱個新世代超強、乜野都係站於世界尖喙，好多項目基本上冇對手、但係講到賴皮佢地都算世界第一！自從響佢地有能力競逐冠軍既比賽項目上，見過不下幾次不服裁判決定、發爛咋賴屎唔走，d 口面真係要幾醜有幾醜！今屆果項咩劍互督比賽好似話因為機器問題響最後一秒比對手督中輸左唔份氣賴屎....
我對比劍冇乜研究、眼見 d 亂編新聞話最後一秒時雙方打成平手；再繼續之下雙方又出手互中，又再繼續又互中、到第三次先比德國人督倒勝出、此時航國美女早已淚流滿面話唔應該加上教練又出梨遊行......
機械故障個錶唔行誠然係意外！本來就應該加時再賽之類做既，唔知咩原因評判話繼續咁大家冇異議就繼續喇。繼續一互中、繼續二互中、繼續三分出勝負先有人投訴、德國人粒聲唔出打個不亦樂乎、淨番你航國美女覺得不公？哈......哈......哈
今日又見亂編新聞話大會認錯、想話比番個安慰獎過佢佢當然唔要喇、航國近年各方面都稱冠全世界咁滯要你來安慰？
咁講；其實佢地都算好、賴屎發爛咋總好過輸左話人食補品既....
沒有留言:
張貼留言