為食

放得工梨上美食之旅報名、大概都係得番半個鐘頭，最得意係旺角個分行仲分開問團同報名唔同排隊喎，咁你話勒，都未知去邊點報名遮？排左問團果邊十幾分鐘後到我問；扯......七月一日得番一團、喇屎一個位；唔洗諗喇，去就去，唔去就只有搵第間睇過勒..... 

咁o岩喱個團係黃媽媽私房加上小小景點如咩小周莊、紫雲閣、加埋花卉世界，都叫做有 d 訂方行下影下野，咁咪即刻決定，比錢！點知果位哥哥話要排格尼隊報名比錢喎，哈.......咁天日先喇！你幫我 hold 往個位。

七月一日o岩o岩打完風晒到屎咁、九點前已經企響皇崗停車場、因為塞滿晒人都搵唔倒陰頂位企、一要我晒太陽我就想剝衫換 wetsuit...... 

九點半上下見倒兩位小哥出現舉住 C2 旗仔、即係我果團、好稚嫩咁....開始旅程！冇錯丫、雖然稚嫩、都開始倒旅程既。 美食之旅對隨團導遊有基本要求係起碼有一半以上車程時間要講野！所以、你會發覺好導遊同稚嫩導遊分別可能好大嫁，不過你有選擇既！一塊埃劈、同好多好多多元化既美劇。

 第一站係....食野！美食丫馬，梗係食為先喇！粥底火鍋！上次已經試過雜不撚海鮮粥、我唔識欣賞，今次係走街鮑魚粥，應該頂得緊既，結果真係幾好食喎，唔止粥、油條，炒麵同蝦、魚片都幾正！最麻麻既係鮑魚粥度都加左咩貝果類、有點兒腥！ 

食完就正式開始行程、第一站居然係行步行街喎、成卅呀度喎...佢話行個四十五分鐘消化下咁，落左車準備行入去之前、我斜啤倒格尼有個叫清暉園既公園，就同導遊講、四十五分之後我自動出現、行左去受漂處比低十五蚊，玩個主動自費項目先：

我以為個公園冇乜野既遮、所以諗住行個圈先開始搵野影，點不知行左一陣就開始左電視劇 Lost....用左十分鐘先行得番出大門口附近是彈影下荷花.....一個人落單遲到比成團人力啤會幾有減壓病感覺嫁！哈哈哈

嚦時一站；紫雲閣！

間廟自山腳趾一直起到山膊頭咁滯，我盡力行到甲立底，影幾張相就落番去，基本上得九個字，眾人既腳程都係大致相同然後我見日要西斜都成六點，出發去媽媽度差唔多喇、但原來我地食飯時間係要響七點半果一部份、所以響之前我地會去埋南風古灶先

古灶既設定奇奇怪怪、有新有舊，又有 d 訂方開唔晒.....
所以係咁倚掟個彎，換條軑，又上車去媽媽懷.....

我都話唔係食家喇、最出名既天麻魚頭湯，我只知火藥味濃！還好其它菜式都幾合咀形。可惜既係咁既時段去到個所謂水鄉真係除郤水蚊都仲係蚊！並不敢逗留觀景。

夜宿順得皇家太子酒店、居然設計到旅遊巴不能停大門前，要大眾親愛既賓客響即邊落車行上去......無語！

七月二日起床所見係大雷雨情景，須然話冇景點去，但都唔方便嘛....

去食個所謂好出名既人山人海自助餐之前，先行下個陳村花卉世界！

唔知係咪落左一朝早雨，冇人去睇花喎、好彩我地落車之前已經停雨，如果唔係連我地都費事落車，不過其實真係冇乜行入去既興趣因為眼見疏疏落落咁得幾盤花、大部份係賣花種同盤栽、咁理所當然轉個圈就上番車啦.....

又要聽稚嫩兄再講一次；拿等陣去到門口有工作人員會派兩個金牌同一張飛仔，先祈唔好唔見、冇左金牌食小金牌小食還冇問題，冇左飛仔就當你未比錢、出不得門口.....喱兩樣野佢由琴日開始講到今日大話都有六七次、終於有團友問：係咪以前成日有人唔見左飛仔發爛咋呀？佢話冇喎、只係再....再...再提醒咁遮......

兩個鐘頭內其實我都係響度睇劇、係咁倚行左三四轉見乜食乜、佢話最出名既果 d 金牌又翅又花膠，唔洗排隊我都唔要喇，所以兩個金牌比鬼左同台團友。 


食完唔洗講就梗係上車做最後既押軸......哈內地人真係......我諗響佢地收小費之前你唔比佢地唱下歌可能會唔比你落車嫁.....哈哈哈好彩、內地人唔識唱歌既又唔多，稚嫩兄唱到克勤既八成嫁、睇唔出！