偏方....

人皆常病；大有細有，火星人自細較小病、感冒發燒唔多，最多皮膚病！學識游水之後、每星期六就去淺水灣一次、咁星期日就開始變成躝人！成身一撻撻紅，睇西醫比既藥多數食完四五日先好、所以我懷疑西藥堅，定火星人自救好番。咁到星期六又再重新做一次，游水。變紅....




終於兩三次之後老母決定唔睇西醫，柚佢、橫掂又唔屎得、痕同醜樣又唔係佢.....


不過，可能見我咁既樣會令佢不安，所以佢就去搵 d three aunt six women 問下有咩新藥要搵人測試之類處方......


就我記得有兩條偏方印象最深刻！


偏方一：片糖水沖涼、勾爛頭都唔會明白，片糖係糖梨遮，點醫倒皮膚敏感呢？更且沖完點抹身呀？黏住晒..........食左佢算喇！不過，偏方喱樣野用與唔用並唔係我可以決定，抹乾定鯨乾我就可以控制............好彩試左幾次冇效之後就中斷之。


偏方二；仲偏！雞毛沖涼喎。冇錯！係雞、葛哥各個果 d 雞！哈哈哈........偏之極了吧！？好彩既係雞毛唔洗錢、係嗅左小小.......


唔信呢、係！偏方既野、唔無喱頭既唔會流傳得耐。有 d 完全係茂誤、不過當然亦有 d 含有"先之喇呢拉"(日語)既奇功！


我用雞毛沖涼沖左冇三次、敏感消聲匿跡！到而家果類皮膚敏感消失於地星火星人身上了。

每當想起喱個問題都只得出一個答案：吹漲！